Non houbo nin un só oco do festival
sen música na noite do martes día 7, e o 60º aniversario de Lann
Bihoué foi a gran estrela.
A tarde comezou co concurso máis
estrafalario do festival, o Kitchen Music Lancelot, onde os gaiteiros
procedentes de tódolos lugares do mundo teñen que facer desfrutar ó
público, tocando pezas divertidas, de películas, series... e cun
atuendo para a ocasión! Houbo participación galega, con Suso
Ascariz, que con melena rubia e peito ó aire fixo as delicias dos
que alí estaban pasando un momento moi agradable.
Pouco comentamos do Jardín des
Luthiers, un espazo para que os artesáns amosen os seus
instrumentos, a zona máis tranquila do festival, onde nun xardín
hai arredor de quince postos arredor, con campo para poder descansar
un anaco, e tamén con butacas e tumbonas para estar máis cómodo se
cabe.
Á noite asistimos a varios concertos.
O primeiro foi o de Calan e Tejedor no Grande Teàthre, que estaba co
aforo completo para ver a Tejedor con todas as súas colaboracións,
que incluiron ó remate do concerto á Banda de Gaites de
Villaviciosa.
Máis concertos, xa que estivemos no
60º aniversario da Bagad de Lann Bihoué, no que a cidade de Lorient
se volcou para unha celebración tan especial. Xente coas camisetas a
raias imitando o seu uniforme, ou mesmamente mercadas no stand de ten
a banda, que inclúe moitísimos productos para poder sentirte na pel
dun dos músicos.
Houbo tempo a ver o concerto dos
irlandeses The Bonny Men no espazo da Bretaña, un grupo con
moitísima forza, e con moito futuro, xa que oscilan polos 22 anos os
seus compoñentes. Presentaranse tamén ó certame Loïc Raison, con
serias opcións de facer un gran papel.
Chegou tamén o momento de que os
Vaamonde, Lamas & Romero se despedisen do festival, xa que logo
de cinco días e catorce pases no stand de Turgalicia, tócalle o
turno a Pablo Seoane Grupo, Comisa Bal e o cuarteto Erixúa.
No hay comentarios:
Publicar un comentario