30 jul 2014

Un ano máis a vila bretona de Lorient terá acento galego


  • Parte a Delegación Galega do Interceltique de Lorient conformada por arredor de 150 persoas.
  • Participarán no festival máis importante de Francia dende o 1 ó 10 de agosto.



 O Festival Interceltique de Lorient naceu hai 44 anos co desexo dos seus fundadores de contribuír ao desenvolvemento da música e a cultura bretona e tamén aberto para as nacións celtas das Illas Británicas (Escocia, Gales, Cornualles, Illa de Man, Irlanda e o norte de España (Galicia e Asturias). 

Co seu éxito, o interceltismo pasou as primeiras fronteiras celtas británicas e peninsulares para conectarse a outros lugares onde hai tamén un lugar de migración máis recente, como bandas australianas, canadienses ou latinoamericanos.

Nos dez días de festival, chegan á vila bretona máis de 4.500 artistas para participar nos máis de 120 espectáculos que se desenrrolan nos distintos espazos do festival, chegando a haber 100.000 espectadores de pago e 700.000 visitantes, o que o convirte no máis importante festival de Francia e do mundo.

Un ano ben completo para Galicia, pois arredor de 150 galegos amosarán o seu bo facer nos distintos escenarios do festival. No eido da música folk serán Cuarteto Caramuxo os primeiros en amosar a súa proposta que ven de lograr o 2º posto no certame Runas do Festival de Ortigueira; estarán tamén Bellón&Maceiras dúo que amosarán o seu estilo inconfundible na vila. Por último, Óscar Ibáñez & Tribo encherán de forza os palcos do Interceltique, un gaiteiro que está presentando o seu disco “Alén do mar”.

Na parte máis tradicional os coruñeses Donaire amosarán o mellor do baile tradicional galego, e as bandas de gaitas chegan dende Melide e Cotobade (Pontevedra). Terra de Melide ven de tocar no Festival de Ortigueira e Foula ensinarán o seu repertorio especial para as terras bretonas.

Ademáis, teremos catro representantes no Trofeo MacCrimmon de gaita peninsular. Xesús Rodríguez, Marcos Tella, Lois Prado e Bruno Villamor foron os seleccionados para disputar este concurso no que o xurado galego estará composto por Alberto Coya e Suso Ascariz.

Actividades paralelas como a estrea do documental “Cuéllar: a nova viaxe” onde 15 músicos galegos seguen os pasos do Capitán da Armada Invencible que naufragou en Irlanda no século coa presenza do seu director David Ramos. A arte galega tamén estará presente coa exposición da escultora de Ferrolterra Carme Romero no prestixioso Hotel Gabriel.

16 jul 2014

A banda coruñesa Tiruleque actuará este xoves no certame Runas do Festival de Ortigueira

O grupo compite na final deste concurso de formacións emerxentes como un dos tres finalistas, escollidos entre máis de trinta propostas musicais
Actuarán a partir das 23.00 horas no Escenario Alameda nun concerto no que amosarán o seu talento e interpretarán diante do público as cancións dos seus discos


O grupo folk coruñés Tiruleque actuará este xoves no XXX Festival de Ortigueira dentro do proxecto Runas, certame para formacións emerxentes e de proxección futura.Tiruleque foi elixido de entre máis das trinta propostas musicais para ser un dos tres finalistas e competir así na final do concurso. A escolla recaeu nunha comisión formada por profesionais de recoñecido prestixio no mundo da música, como son -entre outros- Anxo Pintos, Pepe Vaamonde ou Daniel Bellón que tomaron a decisión atendendo a criterios artísticos, musicais e de calidade. Deste modo, Tiruleque actuará este xoves no Escenario Alameda a partir das 23.00 horas participando así na final do certame.


Tiruleque naceu como proxecto musical en 2002, ano en que un grupo de intérpretes procedentes da música tradicional galega decidiron que as súas inquedanzas artísticas ben podían confluír nunha mesma banda. Eses músicos son actualmente Antón Bueno (contrabaixo), Álex Fente (acordeóns), Luís García(bombo con pratos, percusións, coros), Miguel Horjales (caixa, percusións, coros), Serxo Núñez(clarinete, gaita, percusións, voz), Fernando Román (saxo, clarinete, trompeta) e José A. Vázquez (gaita, saxo, percusións).
Dende as súas orixes, Tiruleque bebe das fontes da tradición musical, mais tamén inclúe na súa sensibilidade artística outras moitas influencias. Dese xeito, queren fuxir de etiquetas que cerquen o seu desenvolvemento creativo e que os poidan confinar nun intento de clasificar o seu estilo musical.
Nas súas actuacións están presentes instrumentos claramente unidos á música tradicional, mais empregados ao xeito propio do grupo e reinterpretando os seus usos. Tiruleque recorre así á súa intuición musical á hora de arranxar sons tradicionais e botan man da riqueza dos instrumentos nas súas creacións. Ao longo destes anos leva deixando  constancia da calidade dos seus directos divertindo e facendo bailar ao seu público en festivais de recoñecido prestixio, como o Festival de Pardiñas, Festa folc de Vilariño, Beltaine-Avilés Intercélticu ou o Festival Intercéltico de Lorient.


 
OS SEUS DISCOS E PRÓXIMAS ACTUACIÓNS

O repertorio de Tiruleque confórmano, de momento e principalmente, os seus dous traballos discográficos que se atopan no mercado. O primeiro deles, co nome da formación, viu a luz en 2009. A súa segunda achega produciuse en 2013, cando publicaron Mu!, un bruído que chama á festa.

A súa participación no Runas do Festival de Ortigueira só é a primeira parada do seu periplo por Galicia neste verán, xa que na súa axenda xa se recollen varios concertos que serán anunciados proximamente.

17 mar 2014

Sorteo de 3 discos "Crossing" de Andrés Penabad


Andrés Penabad deixou tres discos cando veu a presentalo, queres facerte con un?

Envía un correo a folkintrio@gmail.com indicando no asunto "Sorteo Crossing" e deixándonos o teu nome e número de teléfono para avisarte se eres un dos agraciados.
Tendes de prazo ata o venres 21 de marzo ás 16:45 horas.

Moita sorte!

18 dic 2013

Vai de roncos

Incomprensible. A actitude de Susana Seivane e Cristian Silva no Luar do pasado venres non ten perdón. Defender a súa cultura? Por favor! Debería caerlles a cara de vergoña por plantarlle cara a un invento que o Sr. Xosé Lois Foxo vende como galego.

É televisión, pero que máis dá o espectáculo que se monte, e que máis dá se teñen razón nas súas verbas? A actitude non foi a correcta, que feríu a un pobre rapaz que non tiña nin idea do que estaba a facer, ben se vía na cara de coitadiño que tiña mentres afinaba cada ronco da súa gaitiña que, por certo, como xa estaba virtualmente eliminado levou, no canto de empregar a tradicional que levara na primeira ronda. Ai, meu pobre!

Ademáis van a falalo no Luar, no que ata vai Isabel Pantoja! Van de enxebristas e logo levan a cantantes de copla, xa lles vale, aínda que non teña nada que ver unha cousa coa outra, isto con Fraga non pasaba! 

Non imos a intentar pensar nin un minuto que as críticas van encaradas a defender a súa cultura, a nosa, a de todos, a que debemos de coidar cada minuto e ten unha variedade e calidade envexable de por si, xa que sería inxusto que o fixeran logo de que Denís fose a concursar ca gaita marcial, tiñan que estar calados xa que somos todos amiguiños, e os discursos políticamente incorrectos é sabido que non quedan ben.

Que os rapaces se achegan á cultura galega dun xeito que non é o correcto? Non importa Susana, non o digas nun programa de televisión, que está claro que o dis para que a túa familia venda máis gaitas.

Por todo isto, GRAZAS por dar a cara pola nosa música no Luar.


Imaxes: Páxina de Facebook "Non á falsa tradición galega na CRTVG".

Antonio Prado.

16 oct 2013

"Galiza", o novo disco de Kepa Junkera


FOL MUSICA comprácese en anunciar a publicación o vindeiro 19 de Novembro de "GALIZA", o novo traballo discográfico de KEPA JUNKERA adicado a Galiza, no que colaboran máis de 20 artistas e agrupacións da nosa terra.
 
KEPA JUNKERA, o músico euskaldún máis importante, influinte e internacional do momento, edita co selo galego FOL MÚSICA o proxecto máis ambicioso da sua carreira: un traballo discográfico rodeado das mellores formacións e artistas da actual escena tradicional de Galicia.

En “GALIZA” a trikitixa, o tradicional acordeón diatónico vasco, fóndese á perfección coas gaitas, as voces, os pandeiros, as arpas, os acordeóns... para crear un universo de música tradicional perfecto. O eixo musical GALIZA-EUSKALHERRIA tivo moitos achegamentos ao longo dos anos, pero nunca estivera tan ben representado como neste dobre álbum de KEPA JUNKERA.

“GALIZA” conta cunha presentación espectacular: un libro de 23 x 23 cm, de tapas duras, 50 páxinas con ilustracións, fotos e textos.

Este disco/libro ten presentacións confirmadas en Galicia, Euskadi e Madrid. Firmas de discos e showcases en Fnac A Coruña e Madrid, tendas Elkar, Feira de Durango... e promo presencial nestas cidades.

14 oct 2013

Mamá Cabra en Carral


CONCERTO DE
MAMÁ CABRA

Sábado 19 de outubro de 2013 ás 17:30h
Local da Asociación Cultural Xente Nova
Tabeaio, Carral, A Coruña

Organiza: Concello de Carral e AGADIC
Programa: Cultura no Camiño (AGADIC)

Entradas de balde
Aforo limitado.

12 oct 2013

Os Cempés, en Tui!


concerto de
OS CEMPÉS
​Programación Cultural do Concello de Tui


Venres
 1
8​
 de 
​outubro 
as 2
​1:30
 h,
​Teatro Municipal de Tui 
(
 ​Pontevedra)

Organiza: Concello de
​Tui, Agadic
​Rede Galega de Teatros e Auditorios 2013​
   
Entradas:
​5€ (normal), 3,50€ (reducido)
Venda de entradas: www.culturatui.info e na billetería do teatro

Sorteo de dous discos de Tiruleque, "Mu!!"


Os Tiruleque deixáronnos dous discos cando viñeron a presentalo, queres facerte con un?

Envía un correo a folkintrio@cuacfm.com indicando no asunto "Sorteo Tiruleque" e deixándonos o teu nome e número de teléfono para avisarte se eres un dos agraciados.
Tendes de prazo ata o venres 18 de outubro ás 16:45 horas.
Moita sorte!