O Trophée de musique celtique Loïc
Raison comezou a programación da tarde, nun Quai de la Bretagne cheo
de xente para desfrutar de grupos noveis de Bretaña e Irlanda, para
disputar unha das semifinais que se culminarán o sábado nunha
disputa entre os tres mellores grupos.
Nese mesmo lugar, moitísimo ambiente
pola noite para os concertos de Taran, Thomas Moisson Trio e Pevar
Dem. O Quai de la Bretagne colleu nos últimos anos un protagonismo
no festival gracias aos seus grandes concertos gratuitos que permiten
á xente pasar un rato de festa pola noite, no caso de non querer ir
a outro evento.
Falando xa da Gran Noite da Acadia, o
primeiro que sorprendía respecto ós outros concertos no Espace
Marine era o pequeño cambio de look no escenario, xa que había
varias pantallas e un lema que dicía “Acadie authéntique”,
cun público impaciente por ver o que se cocía alí, dando palmas
para que comezase canto antes. Foron aparecendo varios músicos, dos
mellores da Acadia, e por mencionar a algún, estaban alí Roch
Voisine, Dominique Dupuis, Fayo, Joseph Edgar... e moitos máis. O
espectáculo era a unión de moitos deles para os temas, que era a
primeira vez que se realizaban así en directo.
A noite rematou na carpa de Galicia. Na
primeira, os grupos galegos de “As Beiras da Ulla” e “Dambara”
encheron primeiro a pulpeira e logo o stand de música e baile, onde
se aglutinaba un gran número de xente que por alí pasaba para
desfrutar do folclore máis galego.
Hoxe pola mañá tivo tamén lugar a
master-class de gaita, que se dividiu en dúas partes, unha de gaita
galega impartida por Alberto Coya coa colaboración de Edelmiro
Fernández e outra de gaita asturiana con José Manuel Tejedor.
No hay comentarios:
Publicar un comentario