14 dic. 2010

V Festival Rebulir de baile e música tradicional

Un ano máis chega o Festival Rebulir de Baile e Música Tradicional, que este ano cumpre a súa V edición, adquirindo un maior nivel Internacional. O programa contén múltiples actividades durante as xornadas do 18 e 19 de Decembro.

Comezaremos o Sábado pola mañá coa gravación do programa Vaia Troula da TVG desde a Praza de San Andrés (Vilavidal). As 19:00 h chegará a principal cita cando se xunten todos os grupos no Polideportivo de O Picouto, aquí dedicarán ao público asistente o mellor do seu folclore.

Na madrugada do Domingo, o local Onde Queiras de Celanova acollerá unha Foliada, onde os diferentes grupos tocarán e animarán aos presentes. Xuntos brindaremos cunha cunca de queimada pasada a media noite. Na Xornada do 19, as diferentes delegacións visitarán a cidade de Ourense desde onde partirán cara os seus lugares de orixe.

Ata Ramirás virán as seguintes delegacións:

- EBMT Rebulir ( Ramirás )

- Grupo Airiños da Lagoa (Baiona – Pontevedra)

- Grupo Maragato de Val de San Lorenzo (Castela e León)

- Gaztedi Dantzari Taldea (Euskadi)

- Grupo folclórico de Pinheiros (Portugal)

- Grupo Alma Llanera (Venezuela)

Axuntámoslle o programa de mán e o cartel do Festival. Para máis información poden visitar o blog informativo www.rebulir.blogspot.com, no enderezo electrónico rebulir@hotmail.com ou ben no teléfono 639 908 005.

Un saúdo e boas festas!

No hay comentarios:

Publicar un comentario