"O meu primeiro Celso Emilio" no Teatro Colón

O vindeiro 6 de marzo, "O meu primeiro Celso Emilio" visita o Teatro Colón. Trátase dunha das últimas oportunidades de gozar deste espectáculo que naceu en forma de libro-disco editado por Xerais e que agora está a percorrer Galicia cunha gala na que os temas interpretados por Mini e Mero, María Manuela e Xiana Lastra se combinan con pequenas pezas audiovisuais sobre a vida e obra do autor de Celanova.