O Fiadeiro viaxa á Galicia pre-industrial na presentación do seu espectáculo “De oficios e labores”

O vindeiro 4 de xuño o Teatro Novacaixagalicia acollerá a presentación en Vigo da sétima edición da Gala Esta noite hai unha fía, que leva a cabo a agrupación folclórica O Fiadeiro. Co subtítulo <de oficios e labores>, e ao longo de treces escenas, o espectáculo debulla pezas de música e baile tomando como fío argumental os cantos propios dos oficios tradicionais exercidos en Galicia ata ben entrado o século XX. Así, cada escena comeza coa escenificación dun oficio ou labor por parte dos propios artistas que interpretan os cantos, seguidos de músicas e bailes procedentes da mesma área xeográfica na que eses cantos foron recollidos.

O espectáculo, ideado por Miguel Souto, reúne a un total de cincuenta artistas entre músicos (dirixidos por Rafael Crespo), pandereteiras e pandereteiros (seccións a cargo de Javier Feijoó Chisco) e bailadores (baixo a dirección do propio Souto), no que constitúe un reflexo da ampla variedade de ritmos e xeitos de bailar e tocar existentes en Galicia. Esta variedade ten a súa manifestación incluso no relativo á vestimenta, xa que cada baile conta cun vestiario diferente.

Segundo a propia entidade, o evento é .

O contido do espectáculo está integramente baseado no traballo de campo desenvolvido por todas as bisbarras galegas polos membros da agrupación desde a súa fundación en 1996. Este traballo, xunto coa calidade da posta en escena do material recollido en vilas e aldeas converten ao Grupo para a recollida de bailes, músicas e cantares O Fiadeiro nun dos máis salientables do país no tocante á difusión do folclore.

O Fiadeiro manifesta tamén o seu agradecemento ás entidades que colaboran no desenvolvemento dos proxectos da entidade, así como a Novacaixagalicia pola cesión do emblemático teatro vigués.

Programa do acto: VII Gala “Esta noite hai unha fía. De Oficios e Labores”

1.- O labor de ser nai.

-Canto de berce de Xacebáns (Quintela de Leirado).

2.- O oficio de mineiro.

-Canto de mina de Varilongo (Santa Comba).

-Muiñeira de Pontegrixoa (Santiago de Compostela).

3.- O oficio de músico.

-Jota de As Cortellas (Soutomaior).

-Músicas de “Os Padernes” (O Caurel).

4.- O oficio de pedreiro.

-Canto de pedreiros de Aranza (Soutomaior).

-Jota de Moscoso (Pazos de Borbén).

5.- O oficio das castañeiras.

-Canto de apañadoras de Murias de Rao (Navia de Suarna).

-Moliñeira de Silvela (As Nogais).

6.- Nas cidades.

-Foliada da Mahía.

7.- O labor das fiandeiras.

-Canto de fiada de San Salvador (Santa Comba).

-Pandereitada de Meimendre (A Baña).

8.- O día da festa.

-Treboada (Tomiño).

-Canto de Reis de Riofrío.

-Danza de Reis de Riofrío.

9.- O oficio de capador.

-Canto de capadores de Vila de Cruces.

10.- Labores do campo.

-Canto das labradas de Aboal (Toutón).

-Añas de Aboal.

11.- O oficio de ovelleiro.

-Tonada de Degrada (Cervantes).

-Muiñeira de Acibo (Pedrafita do Cebreiro).

12.- Oficios do mar.

- Canto de Redeiras de Muxía

- Canto de Mariñeiros de Rianxo

13.- Tempo de descanso.

-Canto de serán, pasodobre e xota Santiago de Oliveira (Ponteareas).

Podedes mercar as entradas chamando ao teléfono 986 110 500 ou 902 504 500, ou ben reservalas na páxina web www.servinova.com.