.: Folk in Trío :. Cuac FM - 103.4 FM

Xa chegamos a Febreiro, a música non para!

2012-02-03T11:46:00.002+01:00

O venres pasado non poidemos facer o programa, así que esta semana damos un prato forte como é a presentación do disco de Leilía e tamén o Arruando a Serxio Cobos.

A música galega triunfa no panorama internacional

2012-01-14T19:29:00.006+01:00

Clicade aquí para maior resolución

La Voz de Galicia - FUGAS - 13.1.12

Presentamos a nova proposta de Quique Peón & Cía, ALENDACROA

2012-01-12T18:15:00.001+01:00

Comezamos con forza este ano 2012!

2012-01-04T18:46:00.000+01:00

II FOLIADA DO NADAL (Organizan: Gaiteir@s de Cecebre).

2012-01-02T22:36:00.003+01:00

GAITEIR@S DE CECEBRE celebramos este VENRES DÍA 23 DE DECEMBRO unha NOVA FOLIADA co gaio deste Nadal 2011 á fin de disfrutarmos xuntos dunha nova noite de festa, música e baile xunto con todos os nosos amigos e compañeiros.

Contamos que non perdíchedes mañas e acudades acompañados das "ferramentas" para que trema o ceo e vibren unha vez máis os sons da nosa música tradicional na máxica terra do Bosque Animado.

Disponse aparcadoiro.

¡¡¡FELIZ NADAL 2011 E MOITA MÚSICA DE NUESTRO SEÑOR!!!

*UBICACIÓN:

-Estrada: AC-214

-Cervexería "Coliseum", no Baixo da Casa da Xuventude de Cecebre (Cecebre-Cambre-A Coruña).

*COORDENADAS G.P.S.: N 43º 17´39´´, W 8º 20´41´´

Felicitación de Rebulir

2011-12-30T22:44:00.000+01:00

ESPECTACULAR EDICION DE CREBINSKY DVD+ BSO

2011-12-28T22:46:00.000+01:00

Premiada no Festival de Málaga 2011, como mellor guión novel e o Signis á mellor película, proxectaron o filme a nivel internacional, dende o Festival de Pusán en Corea do Sur á Mostra de Cine Español de Nova York.

O tipo de produción independente e entusiasta e a poética surrealista do universo Crebinsky tan particular, foron dúas boas razón para novos recoñecementos en outros estivais como o de Toulouse en Francia ou Oaxaca en México, onde se impuxo nas categorías de mellor película, interpretación masculina e banda sonora.

Agora temos a oportunidade de poñer a guinda a esta aventura cinematográfica con algunha nominación ós Goya onde estamos seleccionados a 18 candidaturas.

Merca o pack da película máis premiada!

Felicitación de Galaxia

2011-12-26T22:42:00.000+01:00

Felicitación de O Fiadeiro

2011-12-20T22:35:00.001+01:00

Felicitación de aninovo

2011-12-18T22:28:00.003+01:00

VI Festival Internacional Rebulir

2011-12-16T22:33:00.001+01:00

Un ano máis, e xa van seis, chega o Festival Rebulir de Baile e Música

Tradicional, cun programa que se bosquexa o máis ambicioso dos ata o momento organizados. Nas Xornadas do 16, 17 e 18 de Decembro contémplanse múltiples actividades, que acorde a filosofía da asociación serán gratuitas e abertas para todo o público. Como novidade, destacamos a páxina web que se habilitou con toda información do eventowww.festivalrebulir.com .

O acto principal terá lugar o Sábado 17, as 19:00 h. cando os colectivos chegarán ao Polideportivo de O Picouto (Concello de Ramirás), sendo recibidos polo grupo anfitrión e as diferentes autoridades presentes. Neste acto preténdese mostrar o mellor do folclore de cada unha das comunidades/países visitantes. Neste senso, contaremos con amigos chegados de:

- EBMT Rebulir (Ramirás)

- Grupo Orcellón (O Carballiño)

- AFM Villa i Condau de Noreña (Asturias)

- Grupo de Folclore da Casa do Povo de Cacia (Portugal)

- Grupo El Miajón (Extremadura)

- Mariachis y Ballet Colores de México (México)

Na madrugada do Domingo, o local ?Oxígeno? de Celanova acollerá unha Foliada, onde os diferentes grupos animarán aos presentes coas súas músicas. Xuntos brindaremos cunha cunca de queimada pasada a media noite. Na Xornada do 17, as diferentes delegacións visitarán a cidade de Ourense e as súas termas.

Así, Ramirás volverá a converterse un ano máis nun espazo de convivencia intercultural con grupos chegados de diferentes puntos e con intereses comúns. A directiva da Asociación Rebulir espera que disfrutedes deste Festival que serve de proxección do noso Concello, e que de por sí, é xa unha data no almanaque festivo dos ramirenses.

Cristina Pato toca para o Presidente Barack Obama nos actos de entrega dos Kennedy Center Honors

2011-12-15T22:34:00.002+01:00

A gaiteira Cristina Pato participa como membro do Silk Road Ensemble no tributo ao director artístico da formación Yo Yo Ma celebrado a pasada semana no Kennedy Center de Washington DC. O acto que homenaxeaba ao cellista Yo Yo Ma, á actriz Meryl Streep, ao saxofonista Sonny Rollins, á cantante Barbara Cook e ao artista Neil Diamond contou coa participación dos mellores artistas do panorama musical e cinematográfico americano.

O acto, presidido polo presidente dos EEUU e a Primeira Dama, inclúe introduccións de actores como Robert DeNiro ou Sarah Jessica Parker e actuacións de artistas como Herbie Hancock, Anne Hathaway ou James Taylor. Para esta ocasión Cristina Pato actuou como membro do Silk Road Ensemble tocando unha obra habitual de dita formación. Ademáis a gaiteira tivo a oportunidade de acompañar ao cantante americano James Taylor nunha versión orquestral de “Here Comes de Sun” de The Beatles, dirixida polo compositor cinematográfico americano John Williams; dita actuación é o peche da gala que se emite na cadea CBS en horario prime time durante o nadal.

A gala retransmítese o 27 de Decembro pola cadena norteamericana CBS e é un dos programas máis vistos do ano en EEUU cunha audiencia media de 10 millóns de espectadores.

Sin dúbida unha ocasión histórica para a gaita galega.

BOA: unha empresa cultural dirixida por galegos cumpre 18 años

2011-12-13T22:30:00.000+01:00

Sorteo de tres entradas dobles para asistir á XX edición do Premio IAR de Folclore Galego

2011-12-09T09:23:00.001+01:00

Día: Sábado 10 de Decembro

Hora: 19:30

Lugar: Teatro Rosalía de Castro (A Coruña)

Sorteamos tres entradas dobles para a gala dos XX Premio IAR de Folclore Galego que se celebrará mañá sábado a partir das 19:30 horas no Teatro Rosalía de Castro de A Coruña.

Este ano o premio recaeu en Xacarandaina.

Os grupos que actuarán son:

"Coros y Danzas Castiella" de Cabezón e Pisuerga (Valladolid)
"Os Melidaos" de Melide.
"Grupo de bailes populares IAR" de A Coruña.

Para conseguir as entradas enviade un correo a folkintrio@gmail.com antes das 16:45 horas de hoxe venres 9 de Decembro, xa que ó remate da emisión do programa de hoxe serán sorteadas.

Unha aperta!

"Vai" de tríos musicais no segundo programa de Decembro

2011-12-06T15:39:00.002+01:00

luns 19 de decembro: despedida Nordestinas no Teatro Principal

2011-12-06T15:34:00.001+01:00

No Teatro Principal de Compostela gravouse en setembro do 2006, o único disco das

Nordestin@s.

Todo o público presente naquel concerto

aínda lembramos hoxe ese momento cheo de calidade, elegancia e emoción intensa.

Os demais concertos foron todos momentos de luxo, intimidade, beleza e máis elegancia.

As Nordestin@s

sempre nos deleitaron con algún detalle especial, unha flor, un traxe, un tema, unha poesía, un perfume,

unhas medias, uns zapatos, un arranxo especial, unha camiseta, unha adicatoria...

Todos foron únicos, impresionantes, cheos de calidade e glamour.

Gardámolos con emoción e agarimo na nosa memoria.

Agora, despois de cinco anos,

Ugia Pedreira, Guadi Galego e Abe Rábade,

as tres Nordestin@s,

decidiron poñerlle unha data límite a este lindo proxecto que compartiron con tanta xenerosidade.

Van seguir por camiños distintos e a despedida vai ser, como non,

cun concerto no Teatro Principal de Compostela, o luns 19 de decembro.

Temos unha cita única ese día.

Xa sabemos que vai ser un concerto de luxo!

Teatro Principal

rúa Nova, 21 - Santiago de Compostela (A Coruña)

21h

Entradas: novagalicia

O programa que abre o mes de Decembro

2011-12-01T18:24:00.002+01:00

Anxo Lorenzo é o gañador do Folkherbst Festival celebrado en Alemania

2011-12-01T16:59:00.002+01:00

Alejandra Plaza. Frankfurt. Na cidade alemana de Plauen situada no este alemán celébrase cada ano un dos máis importantes festivais folk do país xermano. Trátase do único evento de estas características que premia aos vencedores económicamente a través dun novo concerto e co "Iron Eversteiner", estatuílla emblemática do Festival.

Este ano participaron no Folkherbst dez bandas de diferentes países, resaltando deste xeito a multiculturalidade, xunto cos sons máis tradicionais e vangardistas. O voto do público outorgou a Anxo Lorenzo un trofeo que volta de novo a Galicia, xa que fora Berrogüetto o grupo gañador na edición do ano 1998.

A actuación brillante do gaiteiro de Moaña, a súa técnica perfecta e unha impresionante posta en escea, permitiulle facerse co apoio e entrega do público alemán. No próximo mes de xaneiro Anxo e a súa banda desplazaranse de novo ata Alemania para que recibir o galardón, ofrecendo un novo concerto na localidade de Plauen.

II Canción do ano Folk in Trío

2011-11-30T23:17:00.003+01:00

O 30 de Decembro despedimos o ano en Cuac FM, e queremos facelo cun programa cheo de sorpresas.

Para iso, ides a ser vós os que elixades a música deste día, pero con unha particularidade, que esa música será toda a que dende a anterior edición recibimos no programa.

O mecanismo vai ser moi sinxelo, xa que en http://folkintrio.blogspot.com atoparedes unha enquisa na que podedes elexir as vosas preferidas.

As cancións que máis votos reciba dende o 1 de Decembro que abrimos as votacións ata o 28 de Decembro (e non é inocentada ningunha), serán as encargadas de pechar este ano en Folk in Trío.

A primeira ademáis, vai levar un nomeamento moi especial para nós, xa que será a II Canción do ano de Folk in Trío (Cuac FM).

Felicitación de d´Orfeu

2011-11-30T22:48:00.000+01:00

A fadista María do Ceo prepara o lanzamento do seu novo traballo discográfico

2011-11-30T16:49:00.000+01:00

Cunha longa carreira artística ás súas costas e 9 traballos discográficos publicados, María do Ceo amósase como unha das referencias do Fado en Galicia. Un estilo que traspasa fronteiras, unha linguaxe universal que a cantora de orixe portugués, galega de adopción, soubo manexar no seu idioma orixinal, máis tamén na lingua galega. “O Fado que sempre foi patrimonio da humanidade, mais agora co recoñecemento da UNESCO”, afirma María con ledicia pola recente nova.

O novo disco de María do Ceo “Fado com outro acento” vén de ser gravado en Lisboa e sairá á venda en febreiro do ano próximo. Un disco totalmente de Fado no que a cantora levaba tempo pensando, e que atopou o seu momento na experiencia e madurez que outorgan os anos. “Fado com outro acento” achéganos fados tradicionais ben coñecidos e algunha composición feita especialmente para este traballo. Os excepcionais músicos que participaron na gravación son José Manuel Neto na guitarra portuguesa, Miguel Gonçalves coa guitarra clásica e Daniél Pinto no baixo.

VAI no Culturgal, en Pontevedra, este venres 2

2011-11-29T16:46:00.000+01:00

VAI é un novo grupo formado por Xosé Ramón Vázquez no acordeón,

Roberto Santamarina no violín e Giao Rodrigues na guitarra e a mandolina.

Os tres foron membros de Fía na roca, onde se coñeceron e tocaron xuntos nos últimos quince anos.

Agora presentan este proxecto, un formato acústico adaptable a todas as situacións,

sólido no musical e lixeiro na posta en escena.

A súa música é na maior parte de composición propia pero sen deixar de lado o mellor repertorio tradicional,

do que interpretan varias pezas tentando darlles un aire orixinal, enérxico e cunha

sonoridade diferente, recreando o popular para convertelo en algo novo,

modelado cos arranxos e ideas duns músicos de hoxe en día.

Pretenden chegar a todos os lugares e audiencias posibles:

desde un concerto acústico nunha pequena sala ata o escenario dun festival de verán.

Todo está aberto, mesmo a transformación en quinteto cando a situación o requira,

sumando a percusión de Carlos Castro e o contrabaixo de Pablo Pérez.

E deste xeito agardan andar os camiños de Galicia e do resto do mundo para chegar ali onde queiran apreciar o seu traballo.

Entón, agora a cuestión é:

VAI ou non VAI? Escóitaos e verás.

Actos de EDITORIAL GALAXIA no CULTURGAL 2011

2011-11-29T16:45:00.000+01:00

Actos de GALAXIA no CULTURGAL 2011

2-3-4 de decembro no Pazo da Cultura de Pontevedra

Venres día 2

- 19:00 h, conversa de Ana Romaní con Antonio Piñeiro, autor de AS FIANDEIRAS, premio García Barros 2011. No Salón

- 20:00 h, conversa de Ana Romaní con Xulia Alonso, autora de FUTURO IMPERFECTO. No Salón

Sábado día 3

- 12:00 h, presentación de ONDE MERCAN OS LARPEIROS, de Víctor López e Tomás Alonso. No Salón

- 13:00, María Solar e Xosé Tomás presentan VOU TER UN IRMÁN!!!. No Cuarto dos nenos

- 13:30 h, presentación do libro CRIATURAS. Participa Juan Fuentes, presentador do programa da TVG no que se basea o libro. No Salón

- 18:00 h, Xosé Tomás presenta NÓMADES. No Salón

- 18:30 h, presentación do libro BERROGÜETTO. O PULSO DA TERRA. O grupo interpretará en directo algún dos temas que se inclúen no libro en CD e DVD. No Patio

- 19:45 h, conversa de Manuel Jabois con Domingo Villar e novos autores de novela negra. No Salón

Domingo 4

- 12:00 h, concerto do grupo Mamá Cabra para presentar o seu novo libro-disco, XA ME TARDAN ESTES MAGOS. No Auditorio do Pazo

- 12:45 h, conversa de Xesús Fraga con Antón Riveiro Coello arredor da súa novela LAURA NO DESERTO. No Salón

Leilía presenta ConSentimento

2011-11-29T16:43:00.000+01:00

LEILÍA presenta CONSENTIMENTO, CD e album dixital

A finais do 89 decidimos dar a coñecer a música tradicional de Galicia, ao son de pandeiretas e voces, convencidas de que o canto galego, pola súa singularidade e forza, debía ter un espazo propio nos escenarios.

ConSentimento é unha homenaxe a todas as mulleres que fixeron e fan realidade a creación, a conservación e a transmisión da tradición oral galega.

Un agradecemento personificado na figura de Eva Castiñeira, unha cantadora, unha pandereteira, unha muller como tantas e tantas mulleres que dende case o anonimato sementaron a nosa terra de arte, cultura e beleza.

Coa inestimable colaboración do músico e arranxista compostelán Xoán Porto, propoñemos neste quinto traballo unha concepción musical acorde a unha nova realidade. Un disco no que apenas catro instrumentos: guitarra, acordeón, gaita e contrabaixo abrigan á perfección a beleza do canto tradicional, que nesta ocasión se engalana cos versos de sete poetas galegas da actualidade: Ana Romaní, Yolanda Castaño, Eva Moreda, Mariña Pérez, Eva Veiga, Ana Amado e Marilar Aleixandre.

FOL MUSICA NO CULTURGAL

2011-11-29T16:39:00.002+01:00

Actividades nas que FOL MÚSICA vai a estar presente no CULTURGAL 2011

FOL MÚSICA vai a ter un stand no que presentamos recentes novidades, algúns albumes chegan aínda quentes da fábrica exclusivos para a feira.

Nando Luaces, director de FOL MÚSICA, BOA MÚSICA e ALTAFONTE vai participar como moderador dentro dun acto do programa profesional.

Sábado 3 decembro - 16h30 - Salón de Actos do Pazo da Cultura de Pontevedra.

CANLES DE DISTRIBUCIÓN DE CONTIDOS: os novos puntos de encontro

Unha conversa arredor das oportunidades e desafíos para os contidos culturais

PRESENTACIÓNS ARTÍSTICAS

MALVELA, presenta ao vivo o seu novo álbum “Raianas”

venres 2 de decembro

21:30h

Edificio Sexto do Museo de Pontevedra

MERCEDES PEÓN, presenta a sua performance - showcase

venres 2 de decembro

22:30h

Teatro Principal de Pontevedra

BANDA CREBINSKY, presentan en showcase o seu CD e DVD do filme

sábado 3 de decembro

13:30h

Patio Feira Culturgal

Vaamonde, Lamas e Romero, presentan o seu novo álbum “O Tambor de Prata”

domingo 4 de decembro

18:30h

Patio Feira Culturgal

UXÍA, entrevista aberta cunha xornalista cultural

domingo 4 de decembro

18:45h

Conversa de salón na Feira Culturgal

Pentalfa en concerto no CULTURGAL, 2 de Nadal, 18:30, Pazo de Cultura de Pontevedra, Entrada de balde

2011-11-28T16:33:00.000+01:00

Pentalfa é unha iniciativa que xorde da necesidade de realizar música espontánea sen grandes despregamentos técnicos e que pretende ser efectiva e efectista en calquera circunstancia e contexto. Galicia é o núcleo de partida destes 5 músicos pertencentes a diferentes agrupacións, bandas e propostas musicais (Luar Na Lubre , Citania, O Son da Terra...) que sobre a música tradicional e medieval elaboran un concepto rotundo, eficiente e sinxelo para chegar directamente ao espectador. Pentalfa son os 5 ángulos dunha estrela, que neste caso é a música, e os cinco músicos son as puntas que sobresaen. Maxia e música a través dos sentidos, o cosmos e a terra nai.

Patxi Bermúdez: Tambor e Bodhran

Xan Cerqueiro: Frautas

Bieito Romero: Gaita Galega, Gaita Midi e Zanfona.

Diego Barral: Guitarra

Xabier Ferreiro: Caixón, Udú , congas e bongós.

No programa 13 desta tempada recibimos a Muxarega

2011-11-23T10:56:00.003+01:00

LUAR NA LUBRE EN CONCERTO PRESENTANDO A PAULA REY

2011-11-22T22:41:00.000+01:00

O vindeiro 7 de xaneiro Luar Na Lubre ofrecerá un concerto no Teatro Colón d'A Coruña para presentar a súa nova cantante, Paula Rey,

O pasado 3 de novembro tivo lugar a súa presentación aos medios de comunicación da que xa é nova voz de Luar Na Lubre para os vindeiros anos, Paula Rey, nacida n'A Coruña, e cunha extensa formación musical, cautivou aos compoñentes da banda ate o punto de tela escollido para ser a voz das súas composicións a partir de agora.

Doce traballos discográficos, nove dos cales foron editados por Warner España, máis de trescentos mil discos vendidos, dous discos de ouro, nove premios da Música e máis de mil concertos en vinte e tres países confirman a Luar Na Lubre como a proposta musical máis consistente e estable de Galicia.

Neste recén rematado ano 2011 Luar Na Lubre celebrou o seu XXV aniversario e foi o embaixador da súa terra realizando máis de trinta e cinco concertos dentro da súa xira Solsticio, título do seu último traballo, un album cargado de significado co que queren definir unha mestura de músicas tradicionais e raíz popular galega coa nosa música medieval, de riqueza incomparable. Luar Na Lubre levou a marca "Galicia" polos mellores teatro e festivais nacionais cun importante éxito.

Agora, a banda reemprende unha xira moi especial para presentar a Paula Rey, a nova voz do grupo que substitúe á da lisboeta Sara Vidal. Unha voz cargada de matices e de enerxía que, combinada coa riqueza instrumental e estilística da banda, non deixarán indiferente a ninguén.

Anxo Lorenzo regresa de Irlanda tras participar no William Kennedy International Piping Festival

2011-11-22T11:25:00.001+01:00

Xa é un feito habitual a participacións de Anxo Lorenzo nos festivais de referencia da música Folk en Europa, resultado das boas críticas acadadas polo seu disco “Tirán” e pola súa espectacular posta en escena. Pero neste caso non se trata dun festival máis, xa que é a sexta vez que o gaiteiro de Moaña viaxa convidado ao William Kennedy Piping Festival, que celebrou a súa 18º edición na localidade irlandesa de Armagh entre os días 17 e 20 de Novembro.

A ocasión foi especial xa que por primeira vez Anxo se presentaba coa súa banda neste evento, no que xa é ben coñecido na súa faceta como solista. Alí, ademais de ofrecer a súa música, mestura de culturas con esencia galega, tivo a ocasión de colaborar coa recoñecida banda irlandesa Lúnasa nunha edición do festival que non defraudou a ninguén.

O paso de Anxo Lorenzo por Irlanda completouse cunha nova actuación ao día seguinte, esta vez en Belfast, no An Droichead.

Bellón&Maceiras Quinteto en Narón

2011-11-20T11:06:00.000+01:00

O 2011 foi un ano de moitas viaxes para BellónMaceiras, pero, por fin, témolos esta semana en concerto aquí cerquiña, en Narón!

Empezaron o ano en Rusia, onde tocaron un repertorio especial de Nadal, para máis de 1.000 persoas na Catedral Católica de Moscú,

tamén estiveron, entroutros, nos festivais de Cosquín (Arxentina), Montelago (Italia), ou Viana do Castelo (Portugal).

Tiveron incluso un programa Alalá adicado a eles, pecharon o primeiro ano da escola de música con éxito e xa están, en pleno segundo curso, pensando ampliar aulas porque xa non caben os alumnos...

Para resumir este ano 2011 (que aínda non acabou), podemos utilizar a palabra "éxito".

Este xoves 24 de novembro, ofrecerán un concerto moi especial, con temas do seu disco en Quinteto: Folkfusión.

BellónMaceiras Quinteto son:

Dani Bellón: gaita e saxo

Diego Maceiras: acordeón e acordina

Juan Cabe: guitarra

Juan Manuel Tinaquero: contrabaixo

Miguel Lamas: batería

datos concerto: xoves 24 de novembro do 2011

Pazo da Cultura de Narón

rúa Holanda, s/n.

15570 Narón (A Coruña)

20h30

entradas: 8 euros / aboados: 5,60 euros / carné xove ou estudante (ate 25 anos): 4 euros

reserva entradas: 981 102 897

de 11h a 13h30 e de 18h a 20h, de luns a venres

Treixadura en Vigo

2011-11-19T11:25:00.000+01:00

BUDIÑO en México de xira

2011-11-19T11:18:00.000+01:00

Programa 12.2 analizando o Cultur-gal e o Arruando con Luis Prego

2011-11-17T18:02:00.002+01:00

No programa deste venres 18 de Novembro analizaremos a programación do Culturgal, que entre o 2 e o 4 de Decembro se celebrará no Pazo da Cultura de Pontevedra e ademáis na sección Arruando contaremos coa presenza dunha das persoas que é preciso coñecer, Luis Prego.

Programa anterior con Milesios:

Ir a descargar

Vaamonde, Lamas & Romero presentan o seu novo disco.

2011-11-16T11:20:00.003+01:00

O TAMBOR DE PRATA

"Aventuras e desventuras de Os Trintas de Trives"

CD + DVD

Segundo álbum deste trío no que demostran a súa mestría e capacidade coma músicos e artistas de primeira división.Un traballo inspirado na banda galega Os Trintas de Trives, uns músicos xa modernos para o ano 1910.No mesmo formato atopamos o DVD gravado ao vivo no que tocan xunto coa Banda Sinfónica da Coruña durante un concerto celebrado no Pazo da Ópera: unha experiencia musical chea de humor.

Suso Vaamonde, Pedro Lamas e Xosé Lois Romero son tres nomes referenciais da música galega actual e as súas traxectorias individuais están xunguidas aos mellores momentos e artistas da música galega contemporánea (Nova Galega de Danza, Mercedes Peón, Xabier Díaz, Pel e Madeira, Fuxan os Ventos, Susana Seivane, Uxía, Luvas Verdes, Quique Peón Cía, Faltriqueira, Guadi Galego, Galeoke, Grupo Tradicional do IGAEM, X. M. Budiño, etc).

LISTADO DE TEMAS: CD: 1. Polca Do 29 2. Os Trintas Coa Banda Municipal Da Coruña 3. Cantos Asturianos 4. El Club 5. Blanca O Negra 6. Canto De Seitura De Trives Coa Banda Municipal Da Coruña 7. A Desperniquebradeira 8. La Alegría De La Huerta 9. Pasodobre Dos Trabazos 10. Villoria Coa Banda Municipal Da Coruña

DVD: 1. Os Trintas 2. A Miña Burriña 3. A Desperniquebradeira 4. Foliada De San Pedro De Visma 5. Canto De Seitura De Trives 6. Polca Do 29 7. Unha Noite Na Fraga 8. Villoria 9. La Alegría De La Huerta 10. Os Trintas (Bis)

¿Donde ver a V L & R?

Miniconcerto o 4 de decembro no Culturgal en Pontevedra ás 18:30

PRESENTACION OFICIAL

Salon Teatro de Santiago o martes 13 decembro ás 21h.

Sorteo de dous discos de ASSEMBLY POINT

2011-10-27T15:53:00.002+02:00

Novo sorteo para todos vós.

Chegaron os Assembly Point a facernos unha visita o pasado venres antes da súa presentación en FNAC e na Cova e deixáronnos dous agasallos para sortear o vindeiro venres día 4 de Novembro, cando se pasarán por Cuac FM a presentarnos ese propio disco.

Queres un?

Envía un correo a folkintrio@gmail.com antes do venres 4 de Novembro ás 16:45 horas

Que sinxelo non? E por riba asinado por Luis, Fernando e Eoghan, que máis se pode pedir!

Sorteo de cinco entradas dobles para a Gala X Premios Opinión

2011-10-13T00:50:00.004+02:00

Gala X Premios Opinión de música folk

28 de Outubro do 2011 _____ Teatro Colón - A Coruña

Sortearemos cinco entradas dobles para este evento no que actuarán Sondeseu e a banda Axada, creada especialmente para a ocasión e dirixida por Pedro Lamas, na que farán sete versións de pezas incluidas en discos gañadores de estos importantes premios.

Alí recollerán Sondeseu e Mercedes Peón o primeiro premio conxunto e Berrogüetto o terceiro desta décima edición do galardón, unha noite chea de artistas galegos desfrutando da nosa mellor música.

Queres optar a unha? Moi sinxelo, manda un correo electrónico a folkintrio@gmail.com co teu nome completo e o teu teléfono e no programa do venres 21 diremos se son túas.

Moita sorte!

Programa do 30 de Setembro

2011-09-29T22:48:00.003+02:00

"Amable" ´o título do traballo de MARTA QUINTANA que presentaremos en Cuac FM. Por certo que está de actualidade xa que marcha o vindeiro fin de semana cara paraguay representándonos nun certame internacional de arpa, case nada!

Ademáis temos de novo un Arruando, esa sección onde imos coñecendo á xente que tanto traballa pola nosa música máis tradicional. Desta volta chegamos a Beluso para falar con GUILLERME IGNACIO COSTA.

Comeza o curso en Rebulir

2011-09-27T15:31:00.001+02:00

O Vindeiro Sábado día 1 de Outubro tera lugar o acto de presentación do curso 2011/2012 da Escola de Baile e Música Tradicional Rebulir. A cita será na sede da asociación (Praza de San Andrés, Vilavidal - Concello de Ramirás) as 18:30 h.

Durante este acto presentaranse os horarios, os mestres, as actividades lúdico-culturais e demáis novidades de cara ao traballo nos vindeiros meses. Aproveitaremos a ocasión para presentar a nova directiva que tomou posesión durante o verán.

Recordamos que segue vixente o IV Concurso de Fotografía Antiga, o cal pecha o seu prazo o 30 de Novembro de 2011. Toda a información. http://www.rebulir.com/p/concurso-de-fotografia-antiga.html

Para máis información poden consultar www.rebulir.com ou ben contactar por Teléfono no 639 908 005 (Alexandre), ou ben e-mail rebulir@hotmail.com

Nova voz en Luar Na Lubre

2011-09-27T15:27:00.004+02:00

Comunicado de Luar na Lubre

Logo de 7 anos na formación, a cantante portuguesa Sara Vidal

decide deixar de ser a vocalista de Luar Na Lubre, por motivos

persoais. Dende o grupo comprendemos esta decisión, conversada e madurada

nos últimos meses, e queremos agradecerlle a Sara a súa compañía durante

estes anos, tanto no plano musical coma no persoal. 4 discos e máis

de 200 concertos quedan como resultado dunha relación na que nos

temos enriquecido mutuamente.

Dende a súa formación, hai xa 25 anos, son 3 as cantantes côas

que ten contado Luar Na Lubre, e todas supuxeron un aporte

moi valioso e positivo. De Sara destacamos a súa dozura, enerxía, e o gran

interese que ten amosado sempre pola música e a cultura galega en xeral.

Asemade, a súa presencia serviu para reforzar a importante relación que

o grupo sempre mantivo con Portugal.

Despedímonos de Sara desexándolle a mellor das sortes e

deixando unha porta aberta á posibilidade de contar con ela en futuras

colaboracións. Sen irmos mais lonxe, xa podemos anunciarvos duas

actuacións nas que participará con nós, acompañando á nova cantante do

grupo, que será presentada en rolda de prensa próximamente. Ambas voces

compartiran escenario o día 11 de Outubro no Teatro Rosalía de Castro

de A Coruña, e o día 14 do mesmo mes no Auditorio Pilar Bardem

de Rivas -Vaciamadrid (Madrid ). As entradas para ámbolos dous concerto

s xa están á venda.

Sobre a nova vocalista podemos adiantarvos que estamos realmente

entusiasmados con ela, que ten unha voz que sen dúbida vai sorprender

e que suporá un reto para o grupo, algo que sempre é proveitoso e que neste

caso levaranos a explorar novas sonoridades.

Bases para gañar un disco de Berros do Castro

2011-09-15T22:47:00.004+02:00

Folk in Trío, por cortesía da Asociación Berros do Castro sorteará un exemplar do disco "Eirexado s/n" que gravou esta agrupación no pasado mes de Xuño.

As bases para acadalo son as seguintes:

Haberá que contestar á pregunta... Cal é o significado de "Berros do Castro"?

- Envía un correo ata o venres 16 de Setembro ás 16:45 horas a folkintrio@cuacfm.org

- Chama o venres 16 de Setembro a partir das 16:00 horas ao número de teléfono 981 167 000 (extensión 2232) ata as 16:45 horas do mesmo día.

A resposta que os integrantes deste grupo nos digan que é a máis atinada será a que se leve o disco, e no caso de haber varias, procederase a un sorteo.

Moita sorte!

Presentaremos o disco de Berros do Castro no terceiro programa

2011-09-15T17:53:00.003+02:00

"Eirexado s/n" é o nome do primeiro disco que saca a agrupación Berros do Castro e que nos presentarán no terceiro programa desta segunda tempada. A Cuac FM chegarán dende Narahío, no Concello de San Sadurniño a traernos os aires da tradición máis viva.

Tamén falaremos cos organizadores dunha romería con moi boa pinta que se celebrará o sábado día 17 nas inmediacións do Paseo de O Burgo, xente de CaTaLmiBre tradicionaL que vos convida a pasarvos por alí.

Programa anterior:

Ir a descargar

Presentación do disco de Talabarte e Arruando con Cástor Castro

Prazo de inscrición aberto para o "V Concurso de Música Tradicional" de Luou - Teo

2011-09-15T09:39:00.001+02:00

Hola boas!

Por quinto ano comprácenos comunicarvos a celebración do Concurso de Cuarteros Tradicionais de Luou - Teo. A data de celebración será o domingo 16 de Outubro no Local Social de Luou.

Como nas anteriores edicións os participantes escóllense por rigurosa orde de inscrición, realizándose fase eliminatoria ou directamente fase final dependendo do número de grupos apuntados.

Adxunto con este correo envíamosvos o cartaz, as bases e maila folla de inscripción desta IV edición do Concurso, por se queredes participar ou ben expandila información.

Como novidade este ano creamos unha páxina en facebook na cal podedes consultar tamén a info do Concurso asi como ver as descargas:

http://www.facebook.com/acamamoa

Agardando vervos a tod@s ese domingo despedimonos.

Moitas grazas por todo.

Atentamente,

A.C. A Mámoa

Luou - Teo

GRANDE EXITO DA ORQUESTRA FOLK DE GALICIA "SONDESEU" EN HELSINKY

2011-09-13T09:31:00.002+02:00

DURANTE NO ENCONTRO DA REDE EUROPEA DE ORQUESTRAS FOLK (ENFO), EN FINLANDIA

A Orquestra Folk de Galicia “SondeSeu” acadou con grande éxito o aplauso unánime do público congregado na sá SONORA do recentemente inaugurado Musiikkitalo de Helsinki, o novo Music Centre da cidade, no que o governo finés invertiu 180 millóns de Euros para a súa posta en marcha. O pasado dia 7 e co repertorio do seu último traballo discográfico “Barlovento” deu cumprida mostra das enormes posibilidades que ofrece este novo tipo de formación na escea folk europea. Sons evocados por instrumentos tradicionais, agrupados por seccións numerosas, consiguen conformar una orquestra cunha densidade tímbrica que a aproxima a una experiencia sinfónica, mais con toda a enerxía, proximidade e denominación de orixe que ubica o oído da audiencia nunha experiencia novidosa e engaiolante.

Do Piemonte italiano chegou a música da Orquestra Tradalp, conxugando con mestría a tradición e a mestura con elementos de xéneros diversos como o jazz. De Finlandia, a orquestra da Academia Sibelius, que facía a súa primeira presentación tras un ano de preparación, amosando una vez máis o porqué do respecto que existe en toda Europa cando alguén se refire a esta institución.

A guinda, unha suite de temas italianos, galegos e fineses interpretada polo centenar de músicos que forman as tres orquestras. Non é fácil describir con palabras a sorte de sonora festa pirotécnica que produciron estes 9 minutos de música. Un experimento levado a cabo por primeira vez que puxo en pé a todo o público asistente. Entre os asistentes, o persoeiros da vida cultural e politica finesa, o embaixador de Italia, Giorgio Visetti, o reitor da Sibelius Academy, Gustav Djupsjöbacka ou a célebre artista finesa María Kalaniemi.

O concerto levouse a cabo dentro do programa de actos de presentación en Helsinki da Rede Europea de Orquestras de Música Folk ENFO, liderada polo Concello de Vigo a través da E-Trad (Escola Municipal de Música Folk e Tradicional) en colaboración coa Axencia Europea EACEA. A OFG SondeSeu contou coa colaboración da Consellería de Cultura da Xunta de Galicia.

O proxecto ENFO terá a súa culminación na I ENFO Conference en Vigo, no mes de marzo de 2012. Ás orquestras que interviñeron en Helsinki engadiráse unha agrupación do Royal Conservatoire of Scotland, asociado nos últimos meses ao partenariado do programa.

Budiño en Ferrol

2011-09-12T09:30:00.000+02:00

O segundo programa, con Talabarte e Cástor Castro no Arruando.

2011-09-08T11:31:00.002+02:00

Seguimos con forza no arranque da segunda tempada desta aventura radiofónica. Tocará presentar un dos discos máis exitosos neste verán. Un trío formado por tres grandes músicos como son Quim Farinha, Pedro Pascual e Kim García que se chama... TALABARTE.

Ademáis, comezamos coa sección "Arruando". Ata Ourense chegou Javier Garaloces para falar con CÁSTOR CASTRO, o noso mestre de cerimonias para este recuncho. Non vos perdades ademáis das interesantes anécdotas que nos contou, algún corte que seguro que vos gustará, algún aínda non saíu nunca á luz.

Escoitámonos no 103.4 da FM (A Coruña) ou en cuacfm.org

Programa anterior:

Ir a descargar

Presentación do Arruando e Os Cempés

Volve Folk in Trío!

2011-08-29T15:52:00.003+02:00

Este venres día 2 de Setembro a partir das 16 horas, as ondas de Cuac FM acollerán o comezo da nova tempada de Folk in Trío, programa de música folk e tradicional que leva nas ondas dende o pasado 2010.

Os encargados de levalo a cabo serán Antonio Prado, Bea Mariño e Roberto Aller, e con Manu Castro na técnica. Presentarán a nova tempada, co mesmo formato dunha hora semanal pero con novidades como a sección "Arruando", que se presentará neste programa pero que dará comezo a seguinte semana.

Chega ao estudio José Couso de A Zapateira un grupo que cando deu comezo este programa en Xullo do pasado ano non diríamos que puidese estar con nós xa que aínda non se volveran a xuntar. O pasado 20 de Agosto en Fisterra volveron e xa os imos a ter contándonos tódolos regresos da súa volta. Eles son Os Cempés!

Presentación do CD "A Escote" de Fol de Veneno e Media Ducia

2011-08-29T12:00:00.000+02:00

Este venres na Taberna A Eira de Ponteceso, e dentro das actividades culturáis desta semana en Ponteceso do XXX Aniversario do Monolito Pondaliano (http://www.lavozdegalicia.es/carballo/2011/08/28/0003_201108C28C8991.htm), terá lugar a presentación do CD "A Escote", dos grupos Fol de Veneno e Media Ducia.

O acto empezará ás 22:30, e contará con algúns convidados, ata agora están confirmados Pedro Lamas co seu saxo, Fransy Gómez (Xiradela), Sonia Reborido, Ito de Arzúa coa súa tuba, as bailadoras de Raigañas....

Está todo o mundo convidado á festa, que será intensa e looonga!

Podedes escoitar varias das pezas de Fol de Veneno na nosa web.

Fol de Veneno

contacta@foldeveneno.com

www.foldeveneno.com

www.facebook.com/foldeveneno

A nova etapa de Os Cempés comeza con toda a forza posible dende Fisterra

2011-08-21T10:41:00.009+02:00

O verán do ano 2007 trouxo a nova da despedida dos escenarios dun dos grandes grupos galegos como son Os Cempés. O 22 de Decembro dese mesmo ano o último concerto enchía Ferrol de xente con moitas ganas de ver a eses referentes para todos xa que todo o que se dicía era bastante turbio sobre a súa volta e quen sabe, se cadra era a derradeira oportunidade de velos en acción.

Houbo dende aquela un par de xuntanzas como o ano pasado en O Grove ou no Lugnasad de Bretoña, entre amigos, rememorando os temas máis coñecidos do grupo, pero este ano as tornas mudaron e Os Cempés volven para quedarse.

A primeira cita foi onte en Fisterra, na Festa Folk na fin do Camiño, unha cita que dende hai xa trece anos se ven celebrando na localidade de Anchoa e que este ano tivo unha repercusión especial por esta volta. Entre boa comida (como todo o traballo, feito pola Asociación Anchoa, parabéns!), comezaron a tocar uns festexeiros como son A Requinta da Laxeira, que hai que dicir que aínda aguantaron bastante tempo no escenario, porque xa sabemos que onde se manexan ben é nas distancias cortas, e así fixeron, armando unha boa festa no torreiro, quedando quente para que arredor das once e media comezasen a escoitarse berros de Opaii entre o público.

Serxio Cés, Óscar Fernández e Antón Varela son os veteranos nesta formación na que debutan Fernando Barroso (Assembly Point, Riobó, Coanhadeira...), Ramón Dopico (Berros do Castro) e Pablo Dalama (Mamá Cabra, Davide Salvado, A Banda das Crechas...), seis músicos que compoñen a nova etapa de música e diversión, unha fórmula xa coñecida para todos os amantes de Os Cempés. Cando o Pasodoble romántico soaba en Fisterra, o torreiro xa estaba cheo de xente bailando, poucos poden dicir eso no segundo tema.

A que nos recordou este concerto? A pesar de que as comparacións son odiosas é certo que houbo diferencias respecto ao grupo de hai catro anos polo simple cambio de instrumentación, pasando a unha percusión máis sinxela no canto da batería, que levaba un gran peso, e achegándose quizáis ao grupo entre os discos Capitán Re e Circo Montecuruto, un toque máis tradicional. Non faltou o humor, as presentacións de Óscar e Serxio, as cancións nas que todo o público coreaba, a Sara Sariña, as discusións de amigos entre os propios Serxio e Óscar, os cambios de pezas... pouco máis hai que dicir, só que agardemos velos moi pronto por moitos dos festivais galegos, ou nalgunha tasca, a excusa da igual cal sexa con tal de poder desfrutar da súa música.

O certo é que a noite foi cara abaixo, xa que The Crass a pesar de ser uns músicos excepcionais ofreceron un espectáculo bastante mediocre, sen recordar en moitas ocasións que enriba dun escenario hai que manter as formas, con continuos reproches ó técnico de son fóra de lugar. A noite rematou co concerto de Mordecans, aloxándose do folk, unha proposta de rumba catalana que non triunfou tampouco entre os asistentes, que agardaban outro estilo de música nun festival dese tipo.

Alerta de concerto: MAÑÁ Sabado 20 de Agosto Tiruleque no Festival do Castro en Panton

2011-08-19T10:14:00.000+02:00

Benquerid@a amig@s:

Despois de ter un gran exito no 41 Festival Intercéltico de Lorient do que vos deixamos abaixo uns videos para o poidades comprobar , MAÑÁ Sabado 20, a partir das 22h. Tiruelque estara no Festival do Castro compartindo escenario cos grupos United Flavour, Lamatumbá e Guezos.A festa está asegurada!

Mais info:http://www.festivaldocastro.com/

Non hai semana sen concertos, faltaba máis!

2011-08-18T10:12:00.006+02:00

CONCERTO DE

VAAMONDE, LAMAS & ROMERO,

+ Berrogüetto

Programa Galicia é Música - AGADIC - Xunta de Galicia

Domingo 21 de agosto de 2011 ás 22h

Praza dos Irmáns García Naveiras, Betanzos, A Coruña

___________________________

CONCERTO DE

PRADAIRO

+ A Arreixeira

Domingo 21 de agosto de 2011 ás 22:30h,

XX Aniversario da Asociación A Arreixeira, Iria Flavia, Padrón (A Coruña)

__________________________

CONCERTO DE

MAMÁ CABRA (10+1)

Mércores 24 de agosto de 2011 ás 19h

Xardíns de Méndez Núñez, A Coruña

__________________________

A AGRUPACIÓN FOLCLÓRICA CANTIGAS E AGARIMOS PRESENTA:

LELA

Xoves 25 de agosto de 2011 ás 22h

Praza do Tapal, Noia (A Coruña)

________________________

CONCERTO DE

LEILÍA

Galicia é Música

Ano da Música 2011- Agadic

Vernes 26 de agosto de 2011 ás 12 da noite

Fortaleza de Salvaterra de Miño, Salvaterra de Miño (Pontevedra)

________________________

ONCERTO E OBRADOIRO DE

PESDELÁN

+ KILOMBEROS DE MONTEALTO + A BANDA DA BALBINA + A COMPAÑÍA DO RUÍDO

Sábado 27 de agosto de 2011 ás 19h (obradoiro) e 22h (concerto)

Festival Belelle

O Roxal, Neda (A Coruña)

E seguimos de concertos...

2011-08-15T10:08:00.001+02:00

CONCERTO DE

PRADAIRO

+ Vilarachos, Mediaducia e Os Carunchos

Venres 19 de agosto de 2011 ás 22:00h,

Esmorga Folk, Bandeira, Silleda (Pontevedra)

___________________________________________

CONCERTO DE

TIC TAC (Pablo Díaz)

Mércores 17 de agosto de 2011 ás 19h,

Xardíns de Méndez Núñez (A Coruña)

___________________________________________

CONCERTO DE

MAMÁ CABRA

Venres 19 de agosto de 2011 ás 19h

Fortaleza de Salvaterra de Miño (Pontevedra)

___________________________________________

Nordestin@s en concerto

venres 19 de agosto: Auditorio Rianxo - 22h § § § sábado 20 de agosto: Explanada da Alameda Ortigueira - 22h

___________________________________________

CONCERTO E OBRADOIRO DE

PESDELÁN

Sábado 20 de agosto de 2011

ás 18h (obradoiro) e ás 21:30h (concerto)

Porto de Portosín, Porto do Son (A Coruña)

Festas de Portosín

___________________________________________

CONCERTO DE

LEILÍA

+ MUXAREGA + ALALÉ + ESTIMABA QUE VIÑERAS

XXXII Festival Irmandiño de Moeche

Sábado 20 de agosto de 2011 ás 23:30h,

Moeche (A Coruña)

Tiruleque presenta a súa musica no 41 Festival de Lorient

2011-08-14T10:09:00.000+02:00

11-8-2011. Lorient, Francia.

O grupo folk coruñés fixo disfrutar a un auditório entusiasmado dende o comezo do concerto cunha música chea de frescura e cun estilo propio que encandilou aos máis de 300 asistentes das butacas do Palacio de Congresos da vila bretona.

Onte tocaron un tema do seu repertorio na rolda de prensa que fixeron diante dalgúns xornalistas. A súa estrea de hoxe no festival foi, sen dúbida, un éxito. O auditorio bretón estaba cheo para escoitalos. Os asistentes disfrutaron sobre todo coas pezas cantadas. Muiñeiras. jotas, pasodobles e ata unha rumba con aires de son cubano: "A Laranxa". A euforia creceu sen límites cando interpretaron "A Señá Lixandra", melodía que mistura varios estilos musicais que fan bailar a quen a escoita. Ao final o público congregado pediu un bis pero tivo que sair unha das traductoras do festival para dicir que non podían tocar máis por causas da organización. Qué pena. A xente foi abandonando o patio de butacas do auditorio quedándose con gañas de máis. De todos os xeitos, foi unha hora chea de festa e boa música. Mañá os que quedaron pedindo outra terán unha segunda oportunidade. Será en "Quai de la Bretagne" nunha carpa ao aire libre e dentro do ciclo "La Bretagne invite".

Tiruleque chegaba a Lorient despois de pisar unha chea de escenarios dende a súa formación hai nove anos ata hoxe Concertos por case que toda Galicia, algúns festivais en España e agora nun dos festivais folk máis importantes do mundo. Chegaron representando a Galicia e ao folk galego nun encontro de culturas con multitude de concertos e actos musicais de todo tipo. Carlos Núñez, Luz Casal, Pablo Seoane Grupo, Ialma son algúns dos grupos que os acompañan nestes días. Hoxe tocaron de últimos, xunto a Nish as Rish (Isla de Man) e Fiach (Irlanda). Esta noite tocarán de novo con dous grupos bretóns: Landat Moisson Quartet e Skolvan.

concerto de BellónMaceiras Quinteto: Verín, domingo 14 de agosto

2011-08-13T10:07:00.000+02:00

BUDIÑO en VILAGARCÍA - Parque da Xunqueira - Sábado 13 de Agosto - 22:45 h

2011-08-10T10:07:00.000+02:00

BUDIÑO EN VILAGARCÍA

PARQUE DA XUNQUEIRA

SÁBADO 13 DE AGOSTO

22:45 h

Un ano máis, a Festa da Carballeira consegue un gran éxito

2011-08-07T12:30:00.007+02:00

O sábado o mundo folkie que ía a partir ou que xa estaba en Zas non facía outra cousa que mirar ao ceo. Era a gran preocupación de todos, posto que a festa estaba garantida, os grupos preparados e a carballeira un ano máis chea dun ambiente excepcional.

Antonio Prado | Por sorte arredor das cinco da tarde caeron as últimas gotas que precediron a unha festa como cada ano o primeiro sábado de agosto. A media tarde xa se podía desfrutar no escenario de abaixo da mostra folclórica na que coma sempre participaron os anfitrións, a A.C. Castro-Meda de Zas, xunto co grupo folclórico de Palacio de Rei (Lugo) e unha banda de gaitas que chegara de pretiño, Inllar de Ponteceso. Moita xente desfrutando desta sesión de música e baile tradicional, mentres uns raios de sol animaban a desfrutar do que dende Castro-Meda levaban preparando durante meses.

Dende As Pontes chegaron os Muxarega, un grupo xa veterano posto que leva quince anos sobre os escenarios, pero que cos compoñentes actuais desprende xuventude. Foron os encargados de poñer a brincar á xente que iba chegando á Carballeira de Velar, que foi moita á primeira hora da noite por un motivo, que moitos non se atreveron a acampar e entón xa foron directos para alí. Presentaron os temas do seu traballo discográfico "8 soños" pero tamén outros temas cos que o público comezou a cantar.

Foi logo o turno dun grupo que recomendáchedes vós hai uns meses cando o preguntamos e que dende a organización fixeron caso das opinións. Os ourensáns Coanhadeira foron unha das grandes estrelas da noite, poñendo ó publico en pé no seu concerto no que contaron ata co clube de fans que levou unha pancarta que dicía "Na Carballeira con Coanhadeira". Temas dos seus dous traballos discográficos "Haique" e "Po" pero tamén presentando novas cancións que deleitaron ás 7.000 persoas que enchían o recinto.

Persoalmente podo dicirvos un comentario que escoitei alí, xa que houbo xente que dixo que o grupo lle recordaba moito a Berrogüetto, algo que dende logo é todo un piropo que recibe ben calquera. Co tema "Tres Bágoas" non deixaron pasar a oportunidade de agradadecer o camiño a toda a xente que viu antes de nós, á organización e tamén ós asistentes.

O prato forte da noite chegou dende Euskadi coa actuación de Korrotzi. Con Agus Barandiana ao fronte coa tradicional trikitixa e a voz fixeron tremer a terra de Zas, xa que a xente non paraba de moverse aos seus ritmos. Animou moitísimo a actuación o acompañamento do grupo Oinkori Danza Talea, que presentaban "Infernuco Hauspoa", que amosa un espectáculo visual vendo as danzas ó mesmo tempo que escoitas a música e que foi o que fixeron o pasado ano para gravar un DVD co mesmo nome no que colaborou a ETB.

Quizáis decepcionou algo a actuación dos consagrados For men and a dog polos problemas técnicos que tiveron, aínda que o seu bo facer deixou aos asistentes dando palmas e desfrutando do grupo extranxeiro desta xa vixesimoséptima edición da "Festa da Carballeira", unha cita máis que consagrada e que ano a ano non fai máis que aumentar as boas críticas, convertíndose nun exemplo para moitos outros festival de similar formato.

A noite rematou oficialmente como estes anteriores anos, un grupo galego non tan achegado á música folk pero que o que fai é unha festa contínua, e ao igual que O Sonoro Maxín e a Banda Potemkin os anteriores anos, os Festicultores chegaron cargados de enerxia, algo que para moitos escaseaba ás catro da mañá pero que eles mesmos recargaron co seu humor.

Coma sempre, fóronse montando grupiños de amigos, de xente que se xuntaba con outra xente e ata que era día en Velar estiveron desfrutando dos últimos momentos desta edición dunha das grandes festas que temos en Galicia.

Concerto de Leilía

2011-08-04T10:06:00.000+02:00

CONCERTO DE

LEILÍA

Galicia é Música

Ano da Música 2011- Agadic

Domingo 7 de agosto de 2011 ás 21:00h,

Praza de España, O Saviñao (Lugo)

A finais do 89 decidimos dar a coñecer a música tradicional de Galicia, ao son de pandeiretas e voces.

21 anos e catro discos despois Leilía quere dar as grazas a todas as mulleres que fixeron e fan realidade a creación,

a conservación e a transmisión da tradición oral galega.

Coa inestimable colaboración do músico e arranxista compostelán Xoán Porto, propoñemos neste concerto,

unha concepción musical acorde a unha nova realidade. No que apenas tres instrumentos:

guitarra, acordeón e contrabaixo, abrigan á perfección a beleza do canto tradicional

e os versos de varias das mellores poetisas galegas da actualidade.

Este concerto será unha viaxe no tempo no que estaremos acompañadas por tres músicos de recoñecido prestixio do panorama galego:

Xoán Porto (guitarra e gaita), Xosé Lois Romero (acordeón), Xacobe Martínez (contrabaixo).

O grupo adiantará temas do que será o seu quinto traballo discográfico.

O novo disco, que sairá ao mercado este ano, ofrecera "unha visión renovada e actual da música tradicional galega"

Concerto de Tic Tac

2011-08-03T10:05:00.000+02:00

CONCERTO DE

TIC TAC (Pablo Díaz)

Sábado 6 de agosto de 2011 ás 20:00h,

Praza do convento, Melide (A Coruña)

(en caso de choiva trasladarase ao IES de Melide)

Froito dunha incesante actividade musical e vital, o multiinstrumentista e cantante galego Pablo Díaz,

agasállanos por fin co séu primeiro espectáculo en solitario: Tic-Tac.

Un concerto para nenos grandes e pequenos. Con bases da música pop, rock, tradicional galega e moitas máis,

Pablo Díaz embarca ós cativos nunha aventura fascinante: espertan ca canción do Tic-Tac,

bailan co Rock do Porco Celta, viven mil contos que van arrolando a imaxinación.

ESPECTÁCULO CASTRO-FLOXO - Xornadas de Folclore

2011-08-02T10:04:00.000+02:00

ESPECTÁCULO RAIGAME - CASTRO-FLOXO

O Grupo Castro-Floxo porá en escea a Raigame, un espectáculo que resalta música, baile e tradicións recompiladas nos máis de 30 anos de historia do colectivo.

Seguindo o guión desenvolto recentemente no Auditorio Ilduara de Celanova , polo taboleiro irán pasando diferentes manifestacións tradicionais como eran os fiadeiros, as romarías, os pasarrúas de Cabezudos, o entroido, os xogos dos nenos... Desta vez contase coa colaboración dun Folión de Viana do Bolo, que fará tremer o teatro.

Deste xeito, cun acto inaugural preténdese dar comezo as XXVII Xornadas de Folclore, que a partir do día 8 de Agosto percorrerán as Vilas da Provincia de Ourense con grupos chegados de diferentes puntos do globo.

- Data: 8 de Agosto de 2011
- Lugar: Teatro Principal de Ourense (Rúa da Paz)
- Hora: 20:30 h
- Entrada: Gratuíta (Prioridade membros grupos Xornadas de Folclore)
- Máis info: http://www.ccpxaquinlorenzo.es

Concertos a primeira semana de Agosto

2011-08-01T10:03:00.000+02:00

CONCERTO DE

MAMÁ CABRA

Mércores 3 de agosto de 2011 ás 21h

Cantón da Leña, A Pobra do Caramiñal (A Coruña)

CONCERTO DE

LEILÍA

ALFAROLEIROS

Venres 5 de agosto de 2011 ás 22:30h,

Parque Luis Seoane, Santa Cruz, Oleiros (A Coruña)

CONCERTO DE

RUOTE

Venres 5 de agosto de 2011 ás 22:30h

Zas (A Coruña)

BAILENDA folk | Agenda Semanal | Weekly Agenda

2011-07-29T10:02:00.000+02:00

------------
BAILENDA
AO VIVO
Folk Lórico

30 JUL - Castelo de Paiva (Quinta do Pinheiro 23H)
31 JUL - Leça da Palmeira (Fnac Mar 17H)
05 AGO - Bragança (Quintanilha 23H)

+info: www.bailenda.co.cc

Os BAILENDA encontram-se em fase de pré-produção/gravação do seu CD-estreia no estúdioIndústria Rock. Das influências da música tradicional,
do folk ao Post-Rock, resultando numa fusão electro-power-folk.

|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||

A Portugal-based four-piece band bringing a great fusion between early/traditional music,
power electronics and post-rock with uplifting live concerts, playing fast and hard.
Stamp your feet!
They are now at Indústria Rock studio recording their debut-CD.
~
Emanuel Cunha: vocals, samplers, live electronics, percussion
Miguel Marinho: bassmoraharp, violin, rebec, mandolin, programming
Corinna Sousa: diatonic accordeon, synth
Bruno Sousa: bouzouki, bagpipe, hurdy-gurdy, sampler, programming, field-recordings

BAILENDA | PORTUGAL

www.bailenda.co.cc | Site Oficial
www.myspace.com/BAILENDA
www.facebook.com/BAILENDA

Zurrumalla no "Festival Interceltico do Morrazo"

2011-07-28T12:28:00.001+02:00

Zurrumalla presentará este xoves 28 no "Festival Interceltico do
Morrazo" o seu recente traballo discográfico (doble CD).
O que había, e...O que hai

A formación de música folk preséntase deste xeito despois de once
anos de percorrer Galicia polas festas, seráns, e máis eventos
lúdicos, para facerse un oco no panorama da música galega.

Das "festas que montan" sábeno moi ben o xa nutrido clube de fans.

Tamén estarán hoxe, mércores 27, presentando e asinando o doble
álbum nas xornadas "Verano Galicia" organizadas por "El Corte Inglés
de Vigo e A Coruña"

Este xoves comezan os concertos do QUEROSTAR - Neverside + The Outsiders - 2.000 euros en premios, sorteo de ipod, streaming en directo...

2011-07-28T12:22:00.003+02:00

Este xoves 21 de xullo, comezan con The Outsiders
e Neverside os concertos do Querostar,
o certame de música ao vivo da Sala The Star (Carral)

- Sortearase un ipod entre o público que asista aos concertos, que tamén se poderán ver en directo vía streaming en www.querostar.com

- O público poderá puntuar aos grupos usando unha pantalla táctil

- O Certame de Xornalismo Musical premiará con 200 euros a mellor crónica das actuacións

- Os tres grupos con mellor nota repartiranse os premios de 1.000, 500 e 300 euros para os finalistas

Comeza unha nova fase. Logo de seleccionar a 10 grupos entre as 135 bandas inscritas no certame, agora chega o momento dos concertos. Cada grupo terá que defender a súa proposta de riba do escenario, en directo na Sala The Star, o local de espectáculos de Carral que acolle o certame de música ao vivo QUEROSTAR. Serán cinco días de concerto con dous grupos actuando cada día, comezando por este mesmo xoves, 21 de xullo.

Os grupos vigueses Neverside (metal) e The Outsiders (hard rock) serán os encargados de inaugurar esta fase de concertos este xoves, 21 de xullo, na Sala The Star. Neverside -unha cañerísima banda creada en 2009 e formada por Cristian ao baixo e á voz, Nacho na batería, e Raphael e Javier ás guitarras- foi o segundo grupo máis votado polos internautas durante a fase de votación, mentres que The Outsiders (Tomás á voz, Luís e David ás guitarras, Adri no baixo e Manu á batería) quedou na quinta posición na lista dos máis votados.

Como ocorrerá no resto dos directos do QUEROSTAR, o concerto deste xoves poderase ver e oír en directo por streaming a través da webwww.querostar.com. Todos os concertos comezarán ás 22:30 e a entrada custará 3 euros (só hai que pagar unha entrada para ver os dous grupos). Entre todas as persoas que asistan aos concertos na Sala sortearase un ipod ao rematar o certame.

www.querostar.com

www.salathestar.com

O calendario completo de concertos é o seguinte:

21 de xullo - THE OUTSIDERS + NEVERSIDE

4 de agosto - ATAQUE ESCAMPE + MOON CRESTA

18 de agosto - AGÓNICA + FREEDOM XLAVE

25 de agosto - MOONDOGS BLUES PARTY + NOC

1 de setembro - ORQUESTRA ACONFÓNICA + A CONA YEYÉ

AS NOTAS>> Público (40%): un voto por consumición + Xurado (60%): Luís P. Ferreiro e Santi Romay

Tanto o público que asista aos concertos na Sala The Star como o xurado serán os que decidan o nome dos tres grupos que pasarán á gran final do certame e levarán os premios de 1.000, 500 e 300 euros para o primeiro, segundo e terceiro clasificado. O xurado está composto por dous expertos musicais dos que xa se coñecen os nomes: o xornalista Luis P. Ferreiro, responsable da sección de cultura local do xornal La Opinión de A Coruña e autor do blog musical La Cueva del Zorromono, e o actor Santi Romay, organizador do festival Nordestazo Rock, que este ano celebra a terceira edición. Cada un deles puntuará de 1 a 5 cada concerto, notas que se publicarán ao rematar todos os directos e que se ponderarán ao 60% coa nota outorgada polo público.

Canto ao público, con cada consumición os asistentes aos concertos na Sala The Star recibirán un código de votación co que poderán puntuar, tamén de 1 a 5, a cada grupo mediante nunha pantalla táctil instalada na propia sala. Poderán votar tantas veces como consumicións tomen. A nota media do público en cada concerto pesará un 40%.

Ao rematar todos os concertos, en setembro, publicaranse as notas medias de público e xurado que recibiu cada grupo, así como a nota definitiva logo de facer o cálculo 40-60%. Os tres grupos con mellor nota pasarán á gran final que terá lugar en outubro e repartiranse os 1.800 euros de premios.

I Certame de Xornalismo Musical: 200 euros á mellor crónica

Ao comezar os concertos comeza tamén o I Certame de Xornalismo Musical QUEROSTAR, unha iniciativa coa que Airapro, a produtora que organiza o certame, quere potenciar a análise crítica da música e dos concertos en directo. Calquera persoa que asista ou vexa pola rede un concerto do Querostar poderá mandar a súa crónica do mesmo, que será publicada na web do certame. O día da final, en outubro, un xurado escollerá a mellor crónica, que será premiada con 200 euros en metálico.

Querostar Quiz: tres abonos anuais para a Sala The Star

Tamén segue en marcha na web do querostar (www.querostar.com) o Querostar Quiz, un concurso de preguntas sobre música galega no que os tres mellores concursantes gañarán un abono anual para todos os espectáculos da Sala The Star.

CONCERTO DE PESDELÁN NO FESTIVAL ANDANÇAS - PORTUGAL

2011-07-22T12:27:00.001+02:00

CONCERTOS E OBRADOIROS DE

PESDELÁN

1, 2 e 3 de agosto de 2011

Festival Andanças (horarios)

San Pedro do Sul (Portugal)

Pesdelán é un proxeto de música para baile

Levan vendidas máis de 3000 copias do seu primeiro disco Na punta do pé, en tan so en 6 meses

Pretenden cambiar o concepto de público espectador polo de público participante

Agora van participar no festival Andanças, unha das citas de bailadores máis relevantes a nivel europeo

Pesdelán xurde no 2008 da unión de reputados músicos,

bailadores e mestres de coñecidas formacións musicais de Galicia e Portugal

(Leilía, Susana Seivane Grupo, Xochilmica, Montelunai, Pula-lle-o-pe, etc.).

O seu repertorio abrangue temas tradicionais galegos e portugueses arranxados de xeito orixinal e divertido.

Sorprendeu nas festas do Apóstolo de Santiago de Compostela no 2008

facendo participar a centos de persoas, no Festival dos Abrazos da mesma cidade,

en Barcelona, Quart de Poblet (Valencia), Festival San Froilanciño (Lugo)...

É moito máis que un grupo de música: mediante a música en vivo

e o ensino de bailes e xogos sinxelos, pretende recuperar o espírito participativo das festas.

Unha proposta novidosa e atrevida cunha dobre finalidade : substituír o concepto de público espectador

polo de público participante, e como non, pasalo ben.

"Aínda que moitos de vos non movérades nunca un pé, iso non é un problema:

o que facemos é ir aprendendo dunha forma divertida os pasos de baile de cada un dos temas,

para despois bailalos todos xuntos."

Na punta do pé é o título do primeiro traballo de Pesdelán.

Un libro-CD-DVD que anima a aprender cancións, bailes e xogos do patrimonio tradicional galego e portugués

dun xeito divertido e participativo.

Unha proposta didáctica dirixida por Mercedes Prieto e Montse Rivera

coa produción musical de Pedro Pascual e colaboracións como Guadi Galego ou Celina Piedade.

O traballo publicado en Galicia e Portugal (Pezinhos de lã) pola editorial Kalandraka,

conta ademáis coas ilustracións de João Vaz de Carvalho, un dos debuxantes máis relevantes

do actual panorama artístico en Portugal e leva vendidas máis de 3000 copias en tan so seis meses.

Este xoves no Rosalía, María X. Silvar + banda presentan o primeiro disco de SÉS: 'Admirando a Condición'

2011-07-19T12:17:00.001+02:00

XOVES 21 DE XULLO – 21:00h – 8/10 euros

TEATRO ROSALÍA – A CORUÑA

SÉS

Concerto presentación do disco

‘ADMIRANDO A CONDICIÓN’

As entradas para xa están á venda

Xa queda menos. O primeiro disco de Sés, a banda da coruñesa María Xosé Silvar, preséntase este xoves. Titularase 'Admirando a condición' e presentarase en concerto este xoves, 21 de xullo, no teatro Rosalía de Castro da Coruña.

O disco, producido por Airparo, gravouse, mesturouse e masterizouse nos estudos Bruar, con David Paz, Nicolás Vieites e Javier Ferreiro á fronte dos traballos de gravación e produción e coa propia María Xosé Silvar, autora de todos os temas, supervisando os arranxos musicais. Encabezados polo single ‘Rolling Stone’, son en total dez temas gravados con toda a banda, cos metais, os coros e a impoñente voz de Sés que conseguen un son dacabalo entre os ritmos americanos e a música latina. Admirando a condición conta cun undécimo corte extra gravado co formato acústico co que actuaron Silvar e Tito José Calviño nos meses pasados en bares e locais de toda Galicia. Canto á imaxe do disco, todo o deseño e as fotografías de 'Admirando a condición' están asinadas por Marcos Martínez, autor tamén da webwww.mariaxosesilvar.com

Sés presentará Admirando a condición en directo o vindeiro 21 de xullo, nun concerto no teatro Rosalía de Castro con toda a banda. O concerto comezará ás nove da noite e as entradas xa están á venda: custan 8 (anfiteatro) ou 10 euros (platea) e pódense adquirir na billeteira da praza de Ourense (de luns a venres de 21:30 a 13:00 e de 16:30 a 19:30), no propio teatro Rosalía (só os días de función, de 12:00 a 14:00 e de 18:00 a 20:00) ou por telematicamente no teléfono 902-504-500.

Xosé Manuel BUDIÑO en CANAL VIAJAR

2011-07-18T12:21:00.000+02:00

BUDIÑO en CANAL VIAJAR

Xosé Manuel Budiño prepara un día de ruta para a canle de Televisión CANAL VIAJAR.

"Los Ritmos de Pontevedra" é o título do programa donde Budiño fai unha parada na súa xira para amosar a súa terra natal.

-Como punto de partida, o Castro de Santa Tegra na Guarda.

-Seguinte parada, o porto de Vigo donde cruzan á ría para chegar a Moaña na Península do Morrazo.

-Dende ARDORA, o estudio de gravación de Budiño en Moaña, falarán do seu novo traballo discográfico VOLTA que o levou a xirar por catro continentes, recorrendo paises coma Líbano, Siria, Xordania, Marrocos, Arxentina, México, Bulgaria... e últimamente China.

-A última parada será en Cabo Home na costa da Vela coas illas Cíes e Ons de fondo.

nto

Los ritmos de Pontevedra propone un recorrido musical por la provincia gallega, dividido en tres partes: en la primera, Teo Cardalda, integrante de Cómplices, se convertirá en nuestro guía por Bouzas, un barrio de Vigo con mucho encanto; en la segunda, el gaitero Xosé Manuel Budiño nos mostrará su Moaña natal, mientras charlamos sobre las bases de su música; y en la tercera, Renato Spencer, un brasileño que lleva 9 años viviendo en Gondomar, nos hablará de como los ritmos gallegos le han influido a la hora de crear sus canciones y poesías.

CONCERTO DE MAMÁ CABRA EN CABANA DE BERGANTIÑOS

2011-07-18T12:16:00.001+02:00

CONCERTO DE

MAMÁ CABRA

Domingo 24 de xullo de 2011 ás 21h

Castro Animado, Borneiro, Cabana de Bergantiños (A Coruña)

Mamá Cabra é un grupo de música infantil que mestura poesía,

pezas do folclore e temas propios, cun enfoque lúdico, participativo e didáctico.

Ola ola lá! é o séu novo traballo discográfico. Unha proposta que xa inunda as librarías

da man da Editorial Galaxia. Neste espectáculo poderedes gozar

das novas cancións de Mamá Cabra que, nesta ocasión, faise acompañar por un coro de voces do máis divertido.

ESTREA DA GALA DE CANTIGAS E AGARIMOS EN PADRÓN

2011-07-15T12:15:00.000+02:00

A AGRUPACIÓN FOLCLÓRICA CANTIGAS E AGARIMOS

PRESENTA O SÉU NOVO ESPECTÁCULO

LELA

Sábado 23 de xullo de 2011 ás 23h

Praza de Macías, Padrón (A Coruña)

A obra Os vellos non deben namorarse, de Castelao, serve de fío conductor á nova gala de Cantigas e Agarimos.

Cantigas e Agarimos quere rendir homenaxe a todos e todas as persóas que en xullo de 1961,

fixeron posible aquela primeira representación, fóra de América, da obra de Castelao

Neste espectáculo, mais de 80 persoas tentarán trasladar ó espectador no tempo,

levándoo nunha viaxe imaxinaria pola nosa historia e as nosas raizames

------------------------

O 25 de xullo de 1961 o grupo de teatro de Cantigas e Agarimos, dirixido por D. Rodolfo López-‐Veiga,

puxo en escena por primeira vez en Galicia a obra de Castelao, Os vellos non deben de namorarse.

A parte musical da obra, dirixida por D. Rosendo Mato Hermida, incluía entre outras, a peza Serenata de Boticarios, máis coñecida co título de Lela.

Neste ano 2011, no que celebramos o noventa aniversario da Agrupación e cúmprense 50 anos daquela primeira representación

fóra de América da obra de Castelao, Cantigas e Agarimos presenta a gala Lela, en lembranza e homenaxe a todos e todas as que, no seu día,

fixeron posible aquel acto senlleiro da cultura galega.

Este é o fio que serve as diferentes seccións de Cantigas e Agarimos (coral, instrumental, grupo de baile e pandeireteiras)

para presentarnos un espectáculo de calidade, no que mais de 80 persoas tentan trasladar ó espectador no tempo,

levándoo nunha viaxe imaxinaria pola nosa historia e as nosas raizames.

Baile, musica, vestiario, pinceladas de teatro... todo un despregue visual e sonoro que non te deixará indiferente...

Biografía

A Agrupación Folclórica “Cantigas e Agarimos” de Santiago de Compostela

fundouse nesta cidade no ano 1921, sendo, polo tanto, a máis nova das catro agrupacións históricas do folclore galego.

Dende entón Cantigas e Agarimos, vén traballando arreo na recuperación, conservación e transmisión

dalgunhas das formas máis entrañables da cultura tradicional galega, como son a cantiga, a música, o baile e o traxe tradicional.

A través das súas seccións: coral, gaiteiros, grupo de baile e pandeireteiras (e antigamente grupo teatral),

Cantigas e Agarimos non deixou nunca de ocupar postos privilexiados nos eidos do folclore

e así o acreditan os numerosos premios acadados ao longo da súa traxectoria

e as referencias dos historiadores da cultura galega.

Ademais dedica un importante traballo á promoción do baile e da música popular entre os rapaces,

por medio da Escola da Muiñeira, Gaita e Pandeireta, Concurso de Baile e Música,

Día da Muiñeira e a publicación da revista Algalia.

MERCEDES PEÓN EN VERANOS DE LA VILLA DE MADRID JUEVES 21/07/11

2011-07-14T12:14:00.000+02:00

Este venres 15XULL na FNAC: TONHITO DE POI presenta o single e videoclip de MARUJA DA CANSELA

2011-07-14T12:13:00.002+02:00

VENRES 15 DE XULLO – 19:30h

FÓRUM DA FNAC – A CORUÑA (Praza de Lugo)

TONHITO DE POI

Presenta o single e o videoclip de

‘MARUJA DA CANSELA’

O de Ribeira estrea single, videoclip e web

Este venres, 15 de xullo, Tonhito de Poi presentará en directo o seu novo single, ‘Maruja da Cansela’, unha canción baseada nunha carta real enviada nos anos 20 por un galego emigrado en Nova York á súa moza Maruja alén do Atlántico. Unha historia

Ademais do concerto acústico de Tonhito, na presentación do venres tamén se proxectará o videoclip de Maruja da Cansela, unha orixinal montaxe realizada polo estudio coruñés Airastudio, en colaboración co deseñador Marcos Martínez e coproducido por Airapro e os alumnos do Ciclo de Produción Audiovisual, Radio e Espectáculos do CIFP A Farixa – Ourense.

A presentación coincide co lanzamento da nova web de Tonhito de Poi,www.tonhitodepoi.eu

Maruja da Cansela é o último proxecto de Tonhito de Poi, que este verán xirará por toda Galicia tanto en solitario no formato acústico como acompañado dunha nova e potente banda rock producida por Airapro: Tito José Calviño á guitarra, Francisco J. Leiro ao baixo e Miguel Queixas á batería.

CONCERTO DE PRADAIRO NO XII MEMORIAL RICARDO PORTELA - PONTEVEDRA

2011-07-14T12:13:00.000+02:00

CONCERTO DE

PRADAIRO

+ Noitarega

Domingo 17 de xullo de 2011 ás 21:00h,

Memorial Ricardo Portela

Praza da Peregrina, Pontevedra

A fin de semana do 16 e 17 de Xullo de 2011 terá lugar a XII edición do Memorial Ricardo Portela.

Trátase dun concurso de gaita que quere render unha merecida homenaxe ao gaiteiro de Viascón,

mestre recuperador da forma de interpretar a gaita en toque pechado.

O sábado, contaremos coa actuación de Os Minhotos, e o domingo coas actuacións de Noitarega e Pradairo.

Pradairo

Dous anos despois de presentar o seu primeiro traballo, Pradairo volta cunha nova proposta chea de tradición e innovación,

sentimento e creatividade na que se mesturan sen complexos o mellor da música de raíz e do folk actual.

Pateado é a reafirmación das nosas músicas como punto de partida irrenunciable

para chegar a unha proposta musical diferente coa que nos poidamos sentir identificados.

Dez músicos, dez temas, dez realidades sonoras que flúen sen esforzo

por todas as tímbricas dos nosos instrumentos coloreados con tinguiduras doutras terras.

Ritmo e creatividade cos pés na terra. Pateado.

IALMA EN VERANOS DE LA VILLA DE MADRID SABADO 16/07/11

2011-07-11T12:12:00.000+02:00

Nova edición da Festa da Carballeira de Zas

2011-07-10T11:52:00.000+02:00

Sábado a partir das 5 da tarde:

Grupos de baile da A.C Castro-Meda (Zas)

Grupo folklórico Palacio do Rei (Lugo)

Banda de gaitas Inllar (Ponteceso)

Sábado a partir das 10 da noite:

Muxarega (As Pontes)

Coanhadeira (Ourense)

Korrontxi (Euskadi)

Four Man and Dog (Irlanda)

Festicultores Troupe (Galiza)

Acceso: 5€, con agasallo de CD conmemorativo do festival con 2

cancións de cada grupo.

Exposición: XXVIII Carballeira, do 31 de Xullo ó 7 de Agosto, no

Centro de usos múltiples do Concello de Zas.

Máis información en:

http://www.festadacarballeira.com

http://www.facebook.es/festadacarballeira

EL UNIVERSO CREBINSKY EN VERANOS DE LA VILLA DE MADRID 7/07/11

2011-07-10T11:51:00.000+02:00

Este venres 8XUL - Concerto acústico de SÉS en MUGARDOS: blues, rock e ritmos latinos EN GALEGO - María Xosé SIlvar e Tito J. Calviño

2011-07-08T11:50:00.000+02:00

Venres 08 de xullo – 22:00 – Entrada de balde
Peirao de MUGARDOS (Cantón de Cora)

Concerto acústico de

SÉS

María Xosé Silvar e Tito José Calviño

Blues e rock and roll, en galego, orixinal e desenchufado. Esa é a fórmula de Sés, o novo proxecto de María Xosé Silvar, que este venres, 8 de xullo, ofrecerá un concerto acústico no peirao de Mugardos, na véspera da coñecida e esperada festa do Polbo que se celebrará o sábado 9. A partir das 22:00 horas no Cantón de Cora, ao pé da ría, María Xosé Silvar e o guitarrista Tito José Calviño interpretarán os seus temas en clave acústica e coa impresionante voz da que fora cantante de Chámalle Xis!, que ademais é autora de todos os temas.

O concerto de Mugardos será unha pequena mostra, en formato acústico, do grupo Sés, unha banda de blues, rock e música latina dez músicos, que precisamente está estes días rematando de gravar o que será o primeiro disco da formación: Admirando a Condición, un traballo que se publicará a finais de mes e que María Xosé Silvar presentará en directo con toda a banda no teatro Rosalía de Castro (A Coruña) o vindeiro 21 de xullo. As entradas para este concerto presentación xa están á venda.

Admirando a Condición está producido por Airapro, a produtora audiovisual creada en Carral polos actores Xosé A. Touriñán e Marcos Pereiro, máis coñecidos polo seu traballo como Nucha e Mucha, as Cantareiras de Ardebullo, no programa da TVG Luar.

Formada na música e no baile tradicional, María Xosé Silvar é profesora e licenciada en Filoloxía Galega e Antropoloxía Social. En 2007 crea xunto a tres amigos Chámalle Xis!, un dos grupos revelación daquel ano e un dos gañadores do concurso Acoruña Son, apadriñado por Santiago Auserón, quen no seu día cualificou a María Xosé como “unha bomba” no escenario. Despois de máis de 30 concertos por toda Galicia con Chámalle Xis! e logo de colaborar con grupos coma Zënzar, AiraPro produce o primeiro álbume de María Xosé Silvar (ou Sés, como lle chaman “na casa”), con temas propios e acompañada dunha banda de músicos profesionais. Un proxecto en feminino no que o carácter, a forza e a creatividade de María Xosé rompe o molde da muller na música galega.

Aínda que o concerto do sábado será unha versión reducida e acústica na que só participarán María e o guitarrista Tito José Calviño, os músicos que integran a formación completa de Sés son David Paz (que ademais de tocar o saxofón e o clarinete, é o produtor musical de Sés e responsable, xunto con María Xosé Silvar, dos arranxos dos temas), Tito Calviño na guitarra, Octavio Vargas no baixo, Miguel Queixas á batería, Jose Rodriguez no saxo, Moncho Ces á trompeta, Cristian Leggiero no teclado e Aixa Romay, Lucía Souto e Carla Álvarez nos coros.

www.mariaxosesilvar.com

"OSCAR IBÁÑEZ & TRIBO" NO FESTIVAL DE ORTIGUEIRA

2011-07-07T11:49:00.001+02:00

O xoves 7 de xullo ás 00:30 h Oscar Ibáñez presentará no Festival de Ortigueira o seu novo espectáculo “Alén do Mar” acompañado da súa banda Tribo formada por Fernando Fraga (acordeón), Harry Price (violin), Carlos Calviño (guitarras), Paco Dicenta (baixo) e Andrés Vilán (percusións e batería).

Con esta nova proposta Oscar Ibáñez pretende irmandar musicalmente as culturas atlánticas usando a música galega como fío condutor nunha mestizaxe musical fresca, moderna e innovadora na que predomina a sonoridade celta.

As diversas viaxes que Oscar Ibáñez realizou nos últimos quince anos por máis de trinta países de Europa, América latina e EEUU influíron decisivamente na maneira de definir unha proposta musical cada vez máis aberta na que amosa as afinidades musicais dos dous continentes.

Oscar Ibáñez, inspirado nas músicas de ida e volta e na temática da emigración galega en América latina fundamentalmente, desenvolve un labor a medio camiño entre a investigación e a creación, co fin de realizar unha fusión sen límites, que ten coma resultado un novo e único son.

--
Oscar Ibáñez
http://www.oscaribanez.com
http://www.myspace.com/oscaribanezoficial

CRISTINA PATO Y ROSA CEDRON EN VERANOS DE LA VILLA DE MADRID 7/07/11

2011-07-06T11:48:00.000+02:00

Curso para o mes de xullo en O Fiadeiro

2011-06-30T14:02:00.000+02:00

Estimados amigos, durante o mes de xullo realizaremos diferentes actividades para nenos e adultos.
Se os teus nen@s non teñen ocupación polas mañás O Fiadeiro ofréceche unha alternativa para todo o mes.
Tamén haberá actividades para adultos que continuarán en xullo.
No arquivo adxunto vai a información de tódolos cursos e horarios.
Interesados inscribirse canto antes.

O Fiadeiro - http://ofiadeiro.com

Novo disco de TABALARTE

2011-06-30T12:47:00.000+02:00

TALABARTE é un novo concepto de formación en Galicia, estritamente acústico e baseado na música tradicional contemporánea.

Neste proxecto únense tres músicos veteranos e indispensables dentro da escena musical galega: o violín de Quim Farinha (Berrogüetto) , o acordeón diatónico de Pedro Pascual (Marful) e o contrabaixo de Kin García (Susana Seivane).

Este é o seu primeiro álbum, un traballo que respira frescura, de factura impecable, cheo de matices e de arranxos imaxinativos. O conxunto aporta un novo son que os diferenza e os identifica, o son propio de Talabarte no que destaca o virtuosismo dos músicos e a elegancia musical.

Xuntos propoñen unha viaxe a través das músicas populares de Galicia e doutras latitudes. O repertorio complétase con composicións propias, todo aliñado con distintos enfoques estéticos que van desde a linguaxe do jazz e do folk, pasando polo tango, ata a tradición musical máis europea.

Contemporaneidade e tradición, xuntas, nun concerto diferente, sen deixar de mover os pés nin de ser indiferentes aos sentidos.

¡Escoita a Talabarte, escoita boa música!

Concerto de BUDIÑO na RAPA DAS BESTAS de Sabucedo - Venres 1 de Xullo - 23:30 h.

2011-06-30T11:43:00.001+02:00

BellonMaceiras Quinteto e Ultraqans en Musica na Noite e logo no Runas

2011-06-28T14:01:00.000+02:00

BellónMaceiras Quinteto e Ulträqäns en Música na Noite

Este sábado 2 de xullo, temos cita no Festival Música na Noite, no Campo de Calo, en Teo.
BellónMaceiras Quinteto e Ulträqäns comparten escenario coa Banda de Gaitas de Calo e con Mercedes Peón. Os Estalotes serán os encargados de animar ao público, a pé de escenario, entre cada grupo.
Como xa é habitual neste festival, sabemos que haberá gastronomía feita con moito agarimo, moeda para uso exclusivo da festa, e un moi bon ambiente, gracias a toda a xente de Calo que traballa, ano trás ano, para que poidamos ter a mellor velada da zona.
BellónMaceiras Quinteto, logo da súa xira de Artistas en Ruta por Segovia, Zaragoza, Tudela e Vitoria, bríndanos aquí unha das poucas oportunidades que teremos de escoitalos en directo, en Galicia este verán, polo que convidamos a todos os seus fans e aos curiosos, a que se acheguen a Teo! Tamén poden seguilos a Italia, Portugal, pero queda un pouco a desmán...
Os Ulträqäns terán, este sábado 2 de xullo, un convidado especial -e de honra- xa queJavi Prieto, o debuxante do seu disco e dos seus numerosos carteis, estará con eles no escenario durante o concerto. O intrumento que tocará non fará nin música nin ruido, pero si, algo moi artístico. Mentres os Ulträqäns toquen o seu repertorio, o debuxante-deseñador Javi Prieto ilustrará o espacio adaptado a este efecto coas súas pinturas.
Xa non vos decimos máis nada, porque xa sabemos que nos veremos alí.

_________________________________________________

Ulträqäns toca na final do concurso Runas 2011, o vindeiro xoves 7 de xullo

O xoves 7 de xullo, Ulträqäns estará cos grupos finalistas do concurso Runas 2011 tocando no escenario principal do Festival do Mundo Celta de Ortigueira.
Vémonos alí para animar ao grupo e desexámoslle moita sorte!
O máis importante para ese día é que todas e todos pasedes un moi bon momento no concerto, polo que agardamos vervos alí apoiando a Ulträqäns e bailando ao son da súa música.

Fin de curso en REBULIR

2011-06-27T14:00:00.000+02:00

Desde a Escola de Baile e Música Tradicional Rebulir organizamos para o Vindeiro Venres 1 de Xullo a nosa festa con motivo de peche do curso. Esta celebración xa ven sendo habitual desde os comezos da asociación, e nela pretendemos ter unha xornada de xuntanza lúdica onde membros, familiares e amigos poderán disfrutar de múltiples actividades.

Para esta edición contamos con un cartel de luxo:

19:45 h. Presentación do IV Concurso de Fotografía Antiga, e tamén presentación da nova Xunta directiva
20:00 h. Actuación de todos os grupos que compoñen a Escola: Gaiteiros, pandereteiras, grupos de baile...
21:00 h. Petiscos para membros e amigos
22:30 h. Concerto de MINI E MERO (Fundadores de Fuxan os Ventos e membros de A Quenlla)
E xa para finalizar a xornada... desprazamento ata o Serán de Maceda para continuar coa troula.

Todas as actividades celebraranse no Centro Cultural de O Picouto (Ramirás). As actuacións e o concerto serán abertos e con caracter gratuíto para toda aquela persoa que queira asistir.

Quedades convidad@s a darlle peche ao curso 2010/2011 con esta festa !!!

Novo disco de Toques do Caramulo

2011-06-27T13:59:00.000+02:00

Tedes info en:

http://www.myspace.com/toquesdocaramulo

Nominados a "Mellor programa da tempada 2010/2011"

2011-06-27T11:26:00.002+02:00

O pasado sábado celebráronse os tradicionais Oscuacs que serven para pechar a tempada radiofónica en Cuac FM.

Os gañadores foron:

Mellor programa

Que no es poco

Folk in Trío

Áfrika Páprika

Mellor locución

Manuel Castiñeira

Mellor control técnico

Alejandro Cortiñas

Mellor proxecto comunitario

Ar de Coruña

Patoso do ano

Miguel Ángel Lotina

Premio ao colectivo coruñés do ano

Proxecto Cárcere

No noso primeiro ano todo unha honra poder quedar nominados na categoría de Mellor programa desta 15º tempada de radio comunitaria coruñesa. Graciñas polos votos.

Luuuume!

FESTA REBULIR. Peche de curso

2011-06-27T11:25:00.002+02:00

XII Serán festa fin de curso da ACF O Fiadeiro

2011-06-24T13:17:00.002+02:00

Como tódolos anos ó remate do curso facémolo con festa!

Día: 25/06/11

Lugar: Asociación de veciños Santa Mariña de Cabral (Vigo)

18.00 Acto fin de curso Escola O Fiadeiro 10/11
Intervención de tódolos grupos da escola: acordeón, baile moderno, baile tradicional, gaita, guitarra, música e movemento, pandeireta, polifonías, requinta, saxo, tamboril, bombo e zanfona.

22.00 Serán. Abrirán o acto os pandereteir@s e a charanga da agrupación O Fiadeiro.

Todos os interesados en participar tocando ou cantando no noso serán podedes inscribirvos por teléfono, correo electrónico ou o mesmo día no propio serán unha vez cheguedes.

Pradairo na Mariña

2011-06-24T13:15:00.001+02:00

CONCERTO DE

PRADAIRO

+ Güintervan

(pola tarde Xogos Tradicionais e Foliada)

Sábado 2 de xullo de 2011 ás 23:00h,

VII Foliada da Mariña, Xove (Lugo)

Dous anos despois de presentar o seu primeiro traballo, Pradairo volta cunha nova proposta chea de tradición e innovación,

sentimento e creatividade na que se mesturan sen complexos o mellor da música de raíz e do folk actual.

Pateado é a reafirmación das nosas músicas como punto de partida irrenunciable

para chegar a unha proposta musical diferente coa que nos poidamos sentir identificados.

Dez músicos, dez temas, dez realidades sonoras que flúen sen esforzo

por todas as tímbricas dos nosos instrumentos coloreados con tinguiduras doutras terras.

Ritmo e creatividade cos pés na terra. Pateado.

Ulträqäns na FNAC

2011-06-17T13:10:00.000+02:00

TALABARTE, VIAXEIROS DO TEMPO

2011-06-16T13:11:00.000+02:00

Talabarte son tres viaxeiros intrépidos, fora do tempo,

que dende a tradición marchan na busca de novos sons e aventuras

TALABARTE é un novo concepto de formación en Galicia, estritamente acústico e baseado na música tradicional contemporánea.

Contemporaneidade e tradición, xuntas, nun concerto diferente, sen deixar de mover os pés nin de ser indiferentes aos sentidos.

¡Escoita a Talabarte, escoita boa música!

A VENDA EN TODAS AS PLATAFORMAS A PARTIR DO 20 DE XUÑO

ESCUCHA EL PRIMER SINGLE FENDENDO ACHAS EN MY SPACE

Concerto Fin de Carreira de David Bellas

2011-06-15T13:09:00.000+02:00

Lugar: Auditorio Martín Codax do Cmus. sup. de Vigo

Data e hora: Martes, 21 de Xuño de 2011 20:00

Programa:

Primeria parte:

- Estudo 4 em Dó M-- Paulo p.
de 21 estudos para gaita contralto

- Longtemps y a-- (Thielman Susato) (ca. 1510 - ca. 1570)
de Premier livre des chãsõs a deux ou a troix parts (1544)
Zanfonas: Paulo Gonzalez e Iván Abal

- Sonata I para gaita e continuo, op.27 (1730)-- Joseph-Bodin de Boismortier(1689-1755)
-Allemande. Gayment
-Courante. Vivement
-Rondeau. Gracieusement
-Gigue
Viola da gamba: Víctor Soto

Segunda parte:

- Repertorio gaita de cana-- Trad.
-Jota do Piñeiro
(Trad. Piñeiro, concello do Corgo (Lugo),
do repertorio de Xabier Blanco)
-Muiñeira das Muiñeiras
(Popular, do repertorio de Xabier Blanco)
Tamboril: Noa Vidal
Bombo: Marcos Gallego

- Repertorio de José Marentes-- Trad.
-Muiñeira, Fonsagrada (Lugo)
-Pasodoble, Fonsagrada (Lugo)
Caixa antiga: Noa Vidal
Bombo con pratos: Marcos gallego

- Repertorio Vocal-- Trad.
-Maneo
Ercebedo, Coristanco (A Coruña)
-Cantar da danza
Comarca de Soneira, recollido pola
A.C. Castro de Meda, Zas (A coruña)
Grialia (Cantareiras):
Sara Abalde, Patricia Sobreira e Laura Vila

Terceira Parte

- A Ω-- D. Bellas
Bordóns:
Pedro Álvarez, Ánxela Vidal, Lucía Comesaña e
Xurxo Fdez.

- Nicteo o esteta-- D. Bellas
III-Epopeo
VI-Dirce
VII-Anfión e Zeto
Projecto de Foles (gaita de fol):
Ánxela Vidal, Lucía Comesaña e
Xurxo Fdez.

- Alea Iacta Est-- D. Bellas
Zanfona: Lucía Comesaña

Foliada en Poulo (Ordes)

2011-06-12T13:07:00.001+02:00

Moi boas tardes a todos/as

O vindeiro Sábado 18 de Xuño a partir das 8 da tarde terá lugar na parroquia de Poulo (Ordes) a II RUADA “Vai de troula” organizada pola Asociación Cultural “Camiño Real” de Poulo.

Agradecemos moito a colaboración da Deputación de A Coruña, do Concello de Ordes , e de todos os grupos de música tradicional e asociacións de Ordes, da comarca, e fora dela, que estarán facendo festa con nós en Poulo, pois con estes eventos conseguimos entre todos algo moi importante, que a nosa música tradicional siga estando aí e que dende os máis cativos da casa ós máis maiores nos xuntemos para disfrutar dela e seguir conservándoa.

Contaremos con servizo de bar, sorteos e algún agasallo como recordo da II RUADA “Vai de troula”. Así que, dende a Asociación Cultural Camiño Real, esperamos que o vindeiro 18 de Xuño a partir das 8 da tarde nos acompañedes todos botándolle unhas bailas e trouleando toda a noite , ata que o corpo aguante.

A.C. Camiño Real

CELTIC ROOTS (dvd+cd) - Presentation MANCHESTER - 11 JUNE2011 -

2011-06-11T13:09:00.000+02:00

CELTIC ROOTS (dvd+cd)

Presentation MANCHESTER - 11 JUNE 2011

Xosé Manuel BUDIÑO, Michael McGOLDRICK, Dònal LUNNY

http://celticroots.org/

Especial programa 50

2011-06-10T10:19:00.000+02:00

Emisión en directo de

FOLK IN TRÍO

9 de Xuño do 2011

De 17:00 a 19:00 horas

Antiga Prisión Provincial de A Torre (A Coruña)

Dentro das xornadas de portas abertas que organiza a plataforma Proxecto Cárcere, a nosa emisora Cuac FM ten o seu propio stand e dende alí faremos un programa especial de Folk in Trío.

No canto de facelo de 16 a 17 horas, ímonos a un chisco máis tarde e do doble de tempo, así será que de 17 a 19 horas a nosa música non deixará de soar nas ondas de Cuac FM, e para este programa especial temos preparado:

Presentación do disco de Os Viqueiras de Ordes

"Noites de tasca" é o nome deste traballo que nos virán a presentar no cárcere os membros de este emblemático grupo ordense.

Presentación do disco de Linho do Cuco e o seu concerto na Sala Nasa

Xa foi o ano pasado pero ata este programa non nos puxemos de acordo para que os compañeiros de Linho do Cuco viñesen a presentarnos o seu segundo traballo (aínda que leve de título III, se escoitades o programa xa saberedes o por que).

Ademáis, o vindeiro xoves día 16 de Xuño a partir das 21:30 horas, con entrada a 6€ anticipada ou 8€ na propia billeteira.

Moitas novidades, que estes días non para de haber cousas

Xa veredes, anunciaremos un montón de festivais, como o DUF A Coruña, Briganfolk... non poderedes quedar na casa!

Noitarega na Coruña

2011-06-09T15:28:00.001+02:00

Este venres día de 10 xuño, no Fórum Metropolitano de A Coruña (Ciclo Espazos Abertos) a partir das 20:30 h, o grupo de musica tradicional galega Noitarega presentará ao vivo "XXI", o seu novo traballo discográfico, un disco conmemorativo dos seus máis de 21 anos de existencia. O pasado 9 de Abril foi a Presentación Oficial en Vigo, nun concerto no que participaron Anxo Pintos (Berrogüetto) ou Susana Seivane, entre outros quince convidados de luxo; desta volta A Coruña é a cidade elixida para a presentación deste traballo discográfico, un disco que, aos poucos meses dende o seu lanzamento, xa esgotara a súa primeira edición.

Formado en 1989, Noitarega está considerado como un dos grupos de referencia no panorama da música tradicional galega, tendo ofrecido concertos tanto por toda a xeografía española (Festival Internacional de Mérida, Expo 92 de Sevilla, Palau de Congressos de Montjüic de Barcelona, etc), como en Francia, Portugal ou os Estados Unidos. O pasado 14 de Maio, Noitarega foi convidado ao concerto presentación de "Solsticio", o novo disco de Luar na Lubre.

Sen dubida, o concerto deste venres é unha cita obrigada para o público coruñés e en particular para todos os seguidores da boa música tradicional galega.

Prezo da entrada: 4 €.

myspace Noitarega:
http://www.myspace.com/noitarega

Noitarega - Tráiler promocional "XXI":
http://www.youtube.com/watch?v=qT9etkyTw7Y

Noitarega - Muiñeiras:
http://www.youtube.com/watch?v=CR026SdcELk&feature=related

Budiño no Briganfolk

2011-06-09T15:25:00.000+02:00

CONCERTO DE PESDELÁN EN CAMBRE

2011-06-08T11:48:00.002+02:00

CONCERTO DE

PESDELÁN

Domingo 19 de xuño de 2011 ás 20:30h

Parque Ramón Barba do Temple

Cambre (A Coruña)

Pesdelán é un proxeto de música para baile

Levan vendidas máis de 3000 copias do seu primeiro disco Na punta do pé, en tan so en 5 meses